Saturday
14 Dec 2019

ബിഷപ്പ് ഫ്രാങ്കോ മുളയ്ക്കലിനെതിരെയുള്ള കേസ് ഇന്ന് പരിഗണിക്കും

By: Web Desk | Friday 7 June 2019 10:16 AM IST


കോട്ടയം: ജലന്തര്‍ രൂപതാ മുന്‍ ബിഷപ്പ് ഫ്രാങ്കോ മുളയ്ക്കലിനെതിരെയുള്ള ലൈംഗിക പീഡനക്കേസ് ഇന്ന് പാലാ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി പരിഗണിക്കും. കന്യാസ്ത്രീയെ ലൈംഗികമായി പീഡിപ്പിച്ചെന്ന കേസാണ് കോടതി പരിഗണിക്കുന്നത് .

കേസിന്റെ കുറ്റപത്രവും അനുബന്ധരേഖകളും ബിഷപ്പിന്റെ അഭിഭാഷകന് കോടതി നേരത്തെ കൈമാറിയിരുന്നു. തുടര്‍ന്ന് ജാമ്യം നീട്ടി നല്‍കി. തുടര്‍ നടപടികളുടെ ഭാഗമായാണ് ഫ്രാങ്കോ മുളയ്ക്കലിന്റെ ജാമ്യ കാലാവധി നീട്ടിയത്. കേസില്‍ അഡ്വ. ജിതേഷ് ബാബുവിനെ സ്‌പെഷ്യല്‍ പ്രോസിക്യൂട്ടറായി നിയമിച്ചിട്ടുണ്ട്.

ബലാത്സംഗം, പ്രകൃതിവിരുദ്ധ പീഡനം, അന്യായമായി തടവില്‍ വയ്ക്കല്‍, അധികാരം ഉപയോഗിച്ച് സ്ത്രീയെ ലൈംഗീകമായി പീഡിപ്പിക്കല്‍ ഉള്‍പ്പടെ ആറു വകുപ്പുകളാണ് ഫ്രാങ്കോ മുളയ്ക്കലിനെതിരെ ചുമത്തിയിരിക്കുന്നത്.

Related News