Web Desk

ആലപ്പുഴ

May 24, 2021, 2:47 pm

ആലപ്പുഴയില്‍ രണ്ട് പേര്‍ മരിച്ച നിലയില്‍; സാനിറ്റൈസര്‍ കുടിച്ചതാണെന്ന് സംശയം

Janayugom Online

ആലപ്പുഴയില്‍ തുറവൂരില്‍ സുഹൃത്തുക്കളായ രണ്ടുപേരെ വീടിനുള്ളില്‍ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. സാനിറ്റൈസര്‍ കുടിച്ചാണ് മരണമെന്ന് പൊലീസ് സംശയം. മൃതദേഹങ്ങള്‍ പോസ്റ്റമോര്‍ട്ടത്തിനായി താലൂക്ക് ആശുപത്രിയിലേക്ക് മാറ്റി. തുറവൂർ ചാവടി സ്വദേശി ബൈജു(50), സ്റ്റീഫൻ(46) എന്നിവരാണ് മരിച്ചത്. സുഹൃത്തുകളാണ് ഇരുവരും അടുത്തടുത്ത വീടുകളില്‍ ഒറ്റയാക്കായിരുന്നു താമസം. 

ഇന്നലെ രാത്രി ബൈജുവിന്റെ വീട്ടില്‍ ഒരുമിച്ചായിരുന്നു ഇരുവരും മദ്യപിച്ചത്. കുറച്ച് മാത്രം മദ്യം ഉള്ളതിനാല്‍ വീര്യം കൂട്ടുന്നതിനായി സാനിറ്റൈസര്‍ കൂടിയോ വാറ്റ് ചാരായമോ കൂടി ഇതോടൊപ്പം ചേര്‍ത്തിരുന്നിരിക്കാമെന്ന് പൊലീസ് പറയുന്നു. വീട്ടില്‍ നടത്തിയ പരിശോധനയില്‍ ഒഴിഞ്ഞ സാനിറ്റൈസര്‍ കുപ്പികളും, വാറ്റ് ചാരയത്തിന്റെ കുപ്പികളും കണ്ടെത്തിയിരുന്നു. 

ENGLISH SUMMARY:Friends found dead in Alap­puzha; Sus­pi­cion that the san­i­tiz­er was drunk
You may also like this video