27 March 2024, Wednesday

Related news

March 15, 2024
March 3, 2024
February 13, 2024
February 7, 2024
October 1, 2023
September 24, 2023
September 20, 2023
September 12, 2023
July 3, 2023
April 24, 2023

മാര്‍ച്ച് മുതല്‍ പിഎസ്‌സി സേവനങ്ങള്‍ പ്രൊഫൈല്‍ വഴി മാത്രം

Janayugom Webdesk
തിരുവനന്തപുരം
December 28, 2022 8:46 am

പിഎസ്‌സിയില്‍ രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ക്ക് വിവിധ സേവനങ്ങള്‍ക്കുള്ള അപേക്ഷകള്‍ സമര്‍പ്പിക്കുവാനുള്ള സംവിധാനം ഒറ്റത്തവണ രജിസ്ട്രേഷന്‍ പ്രൊഫൈലില്‍ ലഭ്യമാക്കുവാന്‍ കമ്മിഷന്‍ തീരുമാനിച്ചു. 2023 മാര്‍ച്ച് ഒന്ന് മുതല്‍ ഈ സേവനം ലഭ്യമാകും. 

ഉത്തരക്കടലാസുകള്‍ പുനഃപരിശോധിക്കുവാനുള്ള അപേക്ഷകള്‍, ഉത്തരക്കടലാസുകളുടെ പകര്‍പ്പുകള്‍ ലഭ്യമാക്കുവാനുള്ള അപേക്ഷകള്‍, പരീക്ഷ/അഭിമുഖം/പ്രമാണപരിശോധന/നിയമനപരിശോധന എന്നിവയുടെ തീയതിയില്‍ മാറ്റം ആവശ്യപ്പെട്ടുകൊണ്ടുള്ള അപേക്ഷകള്‍, തുളസി സോഫ്റ്റ്‌വേറില്‍ പുതിയ വിദ്യാഭ്യാസ യോഗ്യത കൂട്ടിച്ചേര്‍ക്കുവാനുള്ള അപേക്ഷകള്‍, സ്ക്രൈബിന് വേണ്ടിയുള്ള അപേക്ഷ, നിയമനപരിശോധനയ്ക്ക് ഫീ അടയ്ക്കുവാനുള്ള സേവനം, ഉത്തര സൂചികയുമായി ബന്ധപ്പെട്ട പരാതി, മറ്റ് പൊതു പരാതികള്‍ എന്നിവ പുതിയ സോഫ്റ്റ്‌വേര്‍ മൊഡ്യൂള്‍ വഴി സമര്‍പ്പിക്കാന്‍ കഴിയും. നിലവില്‍ ഇ മെയില്‍/തപാല്‍ വഴിയാണ് ഇത്തരം അപേക്ഷകള്‍ സ്വീകരിക്കുന്നത്. 

പ്രൊഫൈല്‍ വഴിയുള്ള പുതിയ സോഫ്റ്റ്‌വേര്‍ മൊഡ്യൂള്‍ വരുന്നതോടെ സമര്‍പ്പിക്കുന്ന അപേക്ഷകളില്‍ വേഗത്തില്‍ തീരുമാനമെടുക്കാനും കഴിയും. പുതിയ സംവിധാനത്തില്‍ ഓരോ ഘട്ടത്തിലുമുള്ള നടപടി സംബന്ധിച്ച വിവരം ഉദ്യോഗാര്‍ത്ഥികള്‍ക്ക് അപ്പപ്പോള്‍ത്തന്നെ അറിയാനും കഴിയും. 

Eng­lish Sum­ma­ry: From March PSC ser­vices through pro­file only

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.