Web Desk

December 24, 2019, 10:07 am

പൗരത്വ സമരം; ജർമൻ വിദ്യാർത്ഥിയെ നാടുകടത്തി വിദേശകാര്യ വകുപ്പ്

Janayugom Online

ചെന്നൈ: പൗരത്വ സമരത്തിൽ പങ്കെടുത്തു എന്ന കാരണത്താൽ മദ്രാസ് ഐ ഐ ടി യിലെ ജർമൻ വിദ്യാർത്ഥിയെ നാടുകടത്തി. മദ്രാസ് ഐ ഐ ടി യിലെ ഫിസിക്സ് ഡിപ്പാർട്മെന്റിലെ ജേക്കബ് ലിൻഡൻ താൾ എന്ന ജർമൻ വിദ്യാർത്ഥിയോടാണ് വിദേശകാര്യ വകുപ്പിന്റെ ഈ കടുത്ത നടപടി. ഒരു സെമസ്റ്റർ ബാക്കി നിൽക്കെയാണ് ജേക്കബ് ലിൻഡനോട് വിദേശകാര്യ വകുപ്പ് മടങ്ങി പോകാൻ ആവിശ്യപ്പെട്ടിരിക്കുന്നത്.

ഐ ഐ ടി ക്യാമ്പസ്സിൽ ചിന്താബാറെന്ന വിദ്യാർത്ഥി കൂട്ടായ്മ നടത്തിയ സമരത്തിലാണ് ജർമൻ വിദ്യാർത്ഥി ജേക്കബ് പങ്കെടുത്തത്. സമൂഹ മാധ്യമങ്ങളിൽ പ്ലക്കാർഡ് പിടിച്ചു നിൽക്കുന്ന ജേക്കബിന്റെ ചിത്രം വൈറലായതോടെയാണ് നാടുകടത്തൽ നടപടി. ഇന്നലെ രാത്രി 9 മണിക്കുള്ള വിമാനത്തിൽ ജേക്കബ് മടങ്ങി.

‘you may also like this video’