കൊറോണ വൈറസിൽ നിന്നും രക്ഷ നേടാൻ ജിറാഫിന്റെ വേഷം ധരിച്ച് യുവതി; കാരണം ഇതാണ് ‑വീഡിയോ കാണാം

ചൈനയിലെ വുഹാനിൽ പൊട്ടിപ്പുറപ്പെട്ട കൊറോണ ഒരോ ദിവസം കഴിയും തോറും നിരവധി പേരുടെ ജീവനാണ് കവർന്നെടുത്തുകൊണ്ടിരിക്കുന്നത്. ഈ വൈറസിനെ തടയാനുള്ള ശ്രമത്തിലാണ് ലോകം. മാസ്കുകളും പ്രത്യേക തരത്തിലുള്ള വസ്ത്രം ധരിച്ചും രോഗം ബാധിക്കുന്നത് തടയാനുള്ള ശ്രമത്തിലാണ് ജനങ്ങൾ. എന്നാൽ രോഗബാധയെ പ്രതിരോധിക്കാൻ ഒരു യുവതി തിരഞ്ഞെടുത്ത വസ്ത്രമാണ് ഇപ്പോൾ സോഷ്യൽ മീ‍ഡിയയിൽ വൈറൽ. ഡോക്ടറെ കാണാൻ യുവതിയെത്തിയത് ജിറാഫിന്റെ വേഷത്തിലാണ്.

യുവതിയുടെ പക്കൽ ഉണ്ടായിരുന്ന ഫേയ്സ് മാസ്ക് നശിച്ചതോടെ പുതിയതൊന്ന് വാങ്ങാൻ നോക്കിയെങ്കിലും സ്റ്റോക്കുകൾ തീർന്നു പോയി. അതിനാൽ വാങ്ങാൻ സാധിച്ചില്ല.

അസുഖ ബാധിതരായ തന്റെ കുടുംബാം​ഗങ്ങൾക്ക് മരുന്ന് വാങ്ങേണ്ട ആവശ്യകതയും ഉണ്ടായിരുന്നു. അതോടെയാണ് യുവതി ജിറാഫിന്റെ വേഷം ഓൺലൈൻ വഴി വാങ്ങിയത്.

തലമുതൽ കാൽ വരെ മറഞ്ഞ രീതിയിലുള്ള ജിറാഫിന്റെ രൂപത്തിലുള്ള വസ്ത്രമാണ് യുവതി ധരിച്ചിരിക്കുന്നത്. യുവതി ഡോക്ടറോട് കാര്യങ്ങൾ ചോദിക്കുന്നതും മരുന്നുകൾ വാങ്ങിക്കുന്നതും വീഡിയോയിൽ കാണാൻ സാധിക്കും. അതേസമയം, ഇത്തരം വസ്ത്രങ്ങൾക്ക് ആളുകളെ അണുബാധയിൽ നിന്ന് സംരക്ഷിക്കാൻ കഴിയില്ലെന്നും ഉപയോ​ഗശേഷം ഇവ അണുവിമുക്തമാക്കണമെന്നുമാണ് അധികൃതർ നിർദ്ദേശിക്കുന്നത്.

Eng­lish Sum­ma­ry: Girl wear­ing giraffe dress to pro­tect her­self from the coro­na virus.

you may also like this video;