മൂടൽ മഞ്ഞ് കാഴ്ചമറച്ചതിനെ തുടർന്ന് വിമാനം ഇറങ്ങിയത് പുൽമേട്ടിൽ. 146 യാത്രക്കാരുമായി പറന്ന ഗോ എയർ വിമാനമാണ് പുൽമേട്ടിൽ ലാൻഡ് ചെയ്തത്.തലനാരിഴയ്ക്കാണ് അപകടം ഒഴിവായത്.
നാഗ്പൂരിൽ നിന്ന് ബെംഗളൂരുവിലേക്ക് പുറപ്പെട്ടതായിരുന്നു വിമാനം. ബെംഗളൂരു വിമാനത്താവളത്തിൽ റൺവേയ്ക്ക് കഷ്ടിച്ച് അമ്പതടി മുകളിൽവെച്ച് പൈലറ്റിനും സഹപൈലറ്റിനും മൂടൽമഞ്ഞുമൂലം കാഴ്ച അവ്യക്തമായി. തുടർന്ന് അവ്യക്തമായ റണ്‍വേയില്‍ തന്നെ വിമാനം ഇറക്കാന്‍ തീരുമാനിച്ചു. എന്നാല്‍ പൈലറ്റുമാരുടെ കണക്കുകൂട്ടലുകള്‍ തെറ്റിച്ച് റണ്‍വേയുടെ ഇടതുവശത്തുള്ള പുല്‍ത്തകിടിയിലേക്കാണ് വിമാനം നിലംതൊട്ടത്‌.
അതേസമയം വിമാനം പുല്ലിലിറക്കിയ സംഭവത്തിൽ രണ്ടു പൈലറ്റുമാരെയും സസ്‌പെന്‍ഡ് ചെയ്തു. പൈലറ്റിന് ആറ് മാസത്തേയ്ക്കും കോ-പൈലറ്റിന് മൂന്ന് മാസത്തേയ്ക്കുമാണ് സസ്ഷപെൻഷനെന്ന് ഡയറക്ടറേറ്റ് ജനറൽ സിവിൽ ഏവിയേഷൻ(ഡിജിസിഎ) അറിയിച്ചു.
