മരിച്ചുപോയ അമ്മാവന്റെ ബാധ ഒഴിപ്പിക്കാനെന്ന പേരിൽ 16കാരിയെ ബലാത്സംഗം ചെയ്ത സ്വയം പ്രഖ്യാപിത ആൾദൈവം അറസ്റ്റിൽ. കുറ്റകൃത്യത്തിന് ആൾദൈവത്തിനെ സഹായിച്ച പെൺകുട്ടിയുടെ മാതാവിനെയും പൊലീസ് അറസ്റ്റ് ചെയ്തു. മഹാരാഷ്ട്ര താനെയിലെ ഭീവണ്ഡിയിലാണ് സംഭവം. നാർപോളി പൊലീസ് സ്റ്റേഷനിൽ പെൺകുട്ടി പരാതി നൽകിയതിന് പിന്നാലെയാണ് അറസ്റ്റ്.
പെൺകുട്ടിക്ക് അതികഠിനമായ കഴുത്തുവേദന അനുഭവപ്പെട്ടിരുന്നു. എന്നാൽ ഈ രോഗം മരിച്ചുപോയ അമ്മാവന്റെ ബാധ കയറിയതിനാലാണെന്നും ശരീരത്തിൽനിന്ന് അമ്മാവനെ ഒഴിപ്പിച്ചാൽ മാത്രമേ അസുഖം ഭേദമാകുവെന്നും ആൾദൈവം കുടുംബത്തെ വിശ്വസിപ്പിച്ചു.
തുടർന്ന് 16 കാരിയെ വനത്തിലെത്തിച്ച് ആൾദൈവം ബലാത്സംഗം ചെയ്യുകയുമായിരുന്നു. അമ്മയാണ് തന്നെ വനത്തിലെത്തിച്ചതെന്നും പെൺകുട്ടിയുടെ പരാതിയിൽ പറയുന്നു. ഇരുവർക്കുമെതിരെ പോക്സോ വകുപ്പുകൾ ചുമത്തി പൊലീസ് കേസെടുത്തു.
English summary: Godman and mother arrested for raping 16-year-old girl
you may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.