Web Desk

മുംബൈ

March 18, 2020, 11:01 pm

സ്വർണവിലയിൽ വീണ്ടും വർധനവ്

Janayugom Online

സ്വര്‍ണ വിലയില്‍ ചാഞ്ചാട്ടം തുടരുന്നു. ഇന്ന് പവന് 480 രൂപയുടെ വര്‍ധനവ് രേഖപ്പെടുത്തി. ഇതോടെ പവന് 30,080 രൂപയായി. ഗ്രാമിന് 3760 രൂപയിലാണ് ഇന്ന് വ്യാപാരം നടന്നത്. ചൊവ്വാഴ്ച സ്വര്‍ണത്തിന് രണ്ട് തവണ വില കുറഞ്ഞിരുന്നു. പവന് 1,000 രൂപ കുറഞ്ഞ് വില 29,600 രൂപയാണ് ചൊവ്വാഴ്ച രേഖപ്പെടുത്തിയത്. രാവിലെ പവന് 800 രൂപയാണ് കുറഞ്ഞത്. പിന്നീട് ഉച്ചയ്ക്കുശേഷം 200 രൂപ കുറഞ്ഞ് പവന് 29,600 രൂപയിലുമെത്തി.

കോവിഡ് വ്യാപനത്തെ തുടര്‍ന്ന് സുരക്ഷിത നിക്ഷേപം എന്ന നിലയില്‍ സ്വര്‍ണത്തില്‍ നിക്ഷേപം കൂടിയതായിരുന്നു വില കൂടാന്‍ കാരണം. ഉയര്‍ന്ന നിരക്കിനു ശേഷം വില്പന സമ്മര്‍ദംകാരണം തുടര്‍ച്ചയായി ഇടിവുണ്ടായി. മാര്‍ച്ച്‌ ഒന്‍പതിനാണ് പവന്‍ വില ഏറ്റവും ഉയര്‍ന്ന നിരക്കായ 32,320 രൂപയിലെത്തിയത്.

Eng­lish Sum­ma­ry; Gold prices rise

YOU MAY ALSO LIKE THIS VIDEO