Web Desk

ബെംഗളൂരു

March 13, 2020, 3:06 pm

കൊറോണ; ഗൂഗിളിന്റെ ബെംഗളൂരു ഓഫീസിലെ ജീവനക്കാരന് വൈറസ് സ്ഥിരീകരിച്ചു

Janayugom Online

ഗൂഗിളിന്റെ ബെംഗളൂരു ഓഫീസിലെ ജീവനക്കാരന് കൊറോണ സ്ഥിരീകരിച്ചു. ഗൂഗിൾ ഇന്ത്യ തന്നെയാണ് ഇക്കാര്യം പ്രസ്താവനയിലൂടെ അറിയിച്ചത്. ഗ്രീസിൽ നിന്നും ബംഗളൂരുവിലെത്തിയ 26കാരനാണ്​ ഇന്നലെ രോഗം സ്ഥിരീകരിച്ചത്​. യുവാവ് ബംഗളൂരുവിലെ ആശുപത്രിയിൽ നീരീക്ഷണത്തിലാണ്.

രോഗലക്ഷണങ്ങള്‍ കാണിക്കുന്നതിന് മണിക്കൂറുകള്‍ മുമ്പ് ജീവനക്കാരൻ ഓഫീസില്‍ ഉണ്ടായിരുന്നു. അപ്പോൾ മുതൽ ജീവനക്കാരനെ നിരീക്ഷണത്തിലാക്കി. ഇയാളോട് അടുത്ത് ഇടപഴകിയ സഹപ്രവർത്തകർ സ്വയം നിരീക്ഷണത്തിന് വിധേയരാകണമെന്നും ഗൂഗിൾ ഇന്ത്യ പ്രസ്താവനയിലൂടെ അറിയിച്ചു.

അതേസമയം ബെംഗളൂരു ഓഫീസിലെ ജീവനക്കാർക്ക് വീടുകളിലിരുന്ന് ജോലി ചെയ്യാം. ആരോഗ്യത്തിനും സുരക്ഷയ്ക്കും മുൻഗണന നൽകുന്നതിനാൽ പൊതുജനാരോഗ്യ ഉദ്യോഗസ്ഥരുടെ ഉപദേശങ്ങൾ പാലിച്ച് ആവശ്യമായ എല്ലാ മുൻകരുതൽ നടപടികളും ഞങ്ങൾ സ്വീകരിച്ചുവെന്നും ഗൂഗിൾ ഇന്ത്യ പറഞ്ഞു.

കർണാടകയിലാണ് രാജ്യത്തെ ആദ്യത്തെ കൊറോണ മരണം റിപ്പോർട്ട് ചെയ്തത്. സൗദി അറേബ്യയിൽ നിന്ന് തിരികെ എത്തിയ 76 കാരനാണ് രോഗം ബാധിച്ച് മരിച്ചത്.

Eng­lish Sum­ma­ry; Google employ­ee in Ben­galu­ru test pos­i­tive for coro­na virus

YOU MAY ALSO LIKE THIS VIDEO