28 March 2024, Thursday

Related news

March 13, 2024
February 9, 2024
February 6, 2024
February 4, 2024
January 31, 2024
January 28, 2024
January 18, 2024
January 9, 2024
December 29, 2023
December 23, 2023

കഴിഞ്ഞ മൂന്ന് വർഷത്തിനുള്ളിൽ ഇന്ധന നികുതിയിനത്തിൽ കേന്ദ്ര സര്‍ക്കാര്‍ സമാഹരിച്ചത് എട്ട് ലക്ഷം കോടി രൂപ

Janayugom Webdesk
ന്യൂഡല്‍ഹി
December 15, 2021 11:03 am

കഴിഞ്ഞ മൂന്ന് സാമ്പത്തിക വർഷങ്ങളിലായി പെട്രോളിനും ഡീസലിനും ചുമത്തിയ നികുതിയിൽ നിന്ന് ഏകദേശം എട്ട് ലക്ഷം കോടി രൂപ കേന്ദ്ര സർക്കാർ സമ്പാദിച്ചതായി ധനമന്ത്രി നിർമ്മല സീതാരാമൻ ചൊവ്വാഴ്ച പാർലമെന്റിൽ അറിയിച്ചു. 2020ല്‍ മാത്രം 3.71 ലക്ഷം കോടി രൂപ സമാഹരിച്ചതായി പാർലമെന്റ് ശീതകാല സമ്മേളനത്തില്‍ ചോദ്യത്തിന് രേഖാമൂലം നൽകിയ മറുപടിയിൽ നിര്‍മ്മല സീതാരാമൻ അറിയിച്ചു. പെട്രോളിന്റെ എക്സൈസ് തീരുവ 2018 ഒക്ടോബർ അഞ്ചിന് ലിറ്ററിന് 19.48 രൂപയായിരുന്നു. ഇത് 2021 നവംബറില്‍ 27.90 രൂപയായി വര്‍ധിച്ചു. ഇതേ കാലയളവിൽ ഡീസലിന്റെ തീരുവ ലിറ്ററിന് 15.33 രൂപയിൽ നിന്ന് 21.80 രൂപയായി ഉയർന്നതായും ഇന്ധന വിലയിലെ എക്‌സൈസ് തീരുവ വർധനയെക്കുറിച്ചുള്ള വിശദാംശങ്ങൾ നൽകവെ നിര്‍മ്മല സീതാരാമൻ പാര്‍ലമെന്റില്‍ വ്യക്തമാക്കി.

2021 ഫെബ്രുവരി വരെ പെട്രോളിന്റെയും ഡീസലിന്റെയും എക്സൈസ് തീരുവ 32.98, 31.83 എന്നിങ്ങനെ ഉയര്‍ന്നു. എന്നാല്‍ നവംബറില്‍ ഇത് 27.90 , 21.80 എന്നിങ്ങനെ കുറഞ്ഞു. കഴിഞ്ഞ മൂന്ന് വർഷത്തിനിടെ പെട്രോളിൽ നിന്നും ഡീസലിൽ നിന്നും പിരിച്ചെടുത്ത സെസുകൾ ഉൾപ്പെടെ കേന്ദ്ര എക്സൈസ് തീരുവ 2018–19ൽ 2,10,282 കോടിയും, 2019–20ൽ 2,19,750 കോടിയും 2020–21ൽ 3,71,908 കോടി രൂപയുമാണെന്ന് പാര്‍ലമെന്റില്‍ നിര്‍മ്മല സീതാരാമൻ വ്യക്തമാക്കി.

eng­lish sum­ma­ry; Gov­ern­ment Earned ₹ 8 Lakh Crore From Tax­es On Fuels In Last 3 Years

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.