കൊല്ലം: ഭരണപരിഷ്ക്കാരകമ്മിഷൻ റിപ്പോർട്ട് നടപ്പിലാക്കണമെങ്കിൽ ഗവൺമെന്റിന് തുടർച്ച ഉണ്ടാകേണ്ടതുണ്ടെന്ന് സിപിഐ സംസ്ഥാന അസി.സെക്രട്ടറി കെ പ്രകാശ് ബാബു. 1957ലും 67ലും 97ലും ഇടതുപക്ഷ സർക്കാരുകൾ ഭരണപരിഷ്ക്കാരകമ്മിഷനുകളെ നിയോഗിച്ചെങ്കിലും തുടർഭരണം ഇല്ലാത്തതിനാൽ അത് പ്രാവർത്തികമാക്കാൻ കഴിഞ്ഞില്ല. നാലാം ഭരണപരിഷ്ക്കാരകമ്മിഷന്റെ ശുപാർശകളിൽ ഒരേ സ്വഭാവത്തിലുള്ളവയെ ഒരു പാക്കേജായി കാണുകയും അവ ഒരുമിച്ച് നടപ്പാലാക്കുകയും ചെയ്യണമെന്നും പ്രകാശ്ബാബു നിർദ്ദേശിച്ചു.
ജോയിന്റ് കൗൺസിൽ സുവർണജൂബിലിയുടെ ഭാഗമായി ‘നാലാം ഭരണപരിഷ്ക്കാരകമ്മിഷനും സിവിൽ സർവ്വീസും’ എന്ന വിഷയത്തിൽ സിഎസ്ഐ കൺവൻഷൻ ഹാളിൽ സംഘടിപ്പിച്ച സെമിനാർ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഭരണപരിഷ്കാരകമ്മിഷൻ മെമ്പർ സെക്രട്ടറി ഷീലതോമസ് വിഷയം അവതരിപ്പിച്ചു. ജോയിന്റ് കൗൺസിൽ വൈസ്ചെയർമാൻ കെ ഷാനവാസ്‌ഖാൻ അദ്ധ്യക്ഷത വഹിച്ചു. ജനറൽ സെക്രട്ടറി എസ് വിജകുമാരൻനായർ സ്വാഗതം പറഞ്ഞു.
you may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.