പ്രതിപക്ഷത്തിനെതിരെ ആഞ്ഞടിച്ച് കേരള ഗവർണർ ആരിഫ് മുഹമ്മദ് ഖാൻ. തങ്ങളുടെ ഉത്തരവാദിത്തത്തെക്കുറിച്ച് എല്ലാവരും ബോധവാന്മാരാകണം. ഗവര്‍ണറെ തിരിച്ചുവിളിക്കണം എന്നാവശ്യപ്പെട്ട് നിയമസഭയില്‍ പ്രമേയം കൊണ്ടുവരാനുള്ള പ്രതിപക്ഷ നീക്കത്തിനെതിരെ പ്രതികരിക്കുകയായിരുന്നു ഗവര്‍ണര്‍ ആരിഫ് മുഹമ്മദ് ഖാന്‍. പ്രതിപക്ഷം ഭരണഘടന വായിച്ചുനോക്കുകയാണ് വേണ്ടതെന്ന് ഗവര്‍ണര്‍ മാധ്യമപ്രവര്‍ത്തകരോടു പറഞ്ഞു.
കേരള സര്‍ക്കാരിന്റെ പ്രവര്‍ത്തനം ഏറ്റവും മികച്ചതാണെന്നും സർക്കാരുമായി സംഘര്‍ഷത്തിനല്ല താന്‍ ഇവിടെ എത്തിയതെന്നും ഗവര്‍ണര്‍ വ്യക്തമാക്കി.ജനക്ഷേമത്തില്‍ ഊന്നി പ്രവര്‍ത്തിക്കുന്ന സര്‍ക്കാരാണ് ഇത്. ഈ സര്‍ക്കാരിനെ പ്രശംസിച്ചാണ് എല്ലായിടത്തും സംസാരിക്കാറുള്ളത്
ഗവർണറെ തിരിച്ചുവിളിക്കണമെന്ന പ്രതിപക്ഷ നേതാവിന്റെ പ്രമേയം വീണ്ടും കാര്യോപദേശക സമിതിക്ക് വിട്ടിരുന്നില്ല. പ്രതിപക്ഷത്തിന്‍റെ ആവശ്യം നിയമസഭ വോട്ടിനിട്ട് തള്ളിയിരുന്നു.
English summary: governor slams opposition
YOU MAY ALSO LIKE THIS VIDEO
