Web Desk

ശ്രീനഗർ

February 02, 2020, 4:15 pm

ജമ്മു കാശ്മീരിൽ വീണ്ടും ഗ്രനേഡ് ആക്രമണം

Janayugom Online

ജമ്മു കാശ്മീരിൽ സൈനികർക്ക് നേരെ ഭീകരരുടെ ഗ്രനേഡ് ആക്രമണം. ശ്രീനഗറിലെ ലാല്‍ ചൗക്കിൽ ഇന്ന് ഉച്ചയോടെയായിരുന്നു ആക്രമണമുണ്ടായത്. ലാല്‍ചൗക്കില്‍ പട്രോളിംഗ് നടത്തുകയായിരുന്ന സിആര്‍പിഎഫ് ഉദ്യോഗസ്ഥര്‍ക്ക് നേരെയായിരുന്നു ഗ്രനേഡ് ആക്രമണം. ആക്രമണത്തില്‍ രണ്ട് ജവാന്‍മാരുൾപ്പെടെ നാല് പേർക്ക് പരിക്കേറ്റു. ഇവരെ ആശുപത്രിയിലേക്ക് മാറ്റിയിട്ടുണ്ട്.

ജനങ്ങളുടെ മനസ്സില്‍ ഭീതി നിറക്കുകയാണ് അക്രമികളുടെ ലക്ഷ്യമെന്ന് സിആര്‍പിഎഫ് ഐജി ആര്‍ എസ് ഷായ് പ്രതികരിച്ചു. ജമ്മു കശ്മീരിന്റെ പ്രത്യേക പദവി കേന്ദ്രം റദ്ദാക്കിയതുമുതൽ കടുത്ത നിയന്ത്രണത്തിലാണ് ഇവിടം. കഴിഞ്ഞ മാസവും ഗ്രനേഡ് ആക്രമണം നടന്നിരുന്നു. വഴിയരികിലൂടെ പോകുകയായിരുന്ന 16 വയസുകാരന് ആക്രമണത്തിൽ പരിക്കേറ്റിരുന്നു.

Eng­lish Sumam­ry: Grenade attack on Jam­mu Kash­mir Srinagar.

you may also like this video;