കഴിഞ്ഞ മാസം ഇന്ത്യ സന്ദര്ശിച്ച ഒരു ഉദ്യോഗസ്ഥനുകൂടി ഹവാന സിന്ഡ്രോം പിടിപെട്ടതായി റിപ്പോര്ട്ടുകള്. അഞ്ജാരോഗം കണ്ടെത്തിയതിനെത്തുടര്ന്ന് നടത്തിയ പരിശോധനയിലാണ് ഹവാന സിന്ഡ്രോമാണെന്ന് കണ്ടെത്തിയത്. ഈ മാസം ഇന്ത്യ സന്ദര്ശിച്ച സി.ഐ.എ ഡയറക്ടര് വില്യം ബേണ്സിന്റെ സംഘത്തിലെ ഒരുദ്യോഗസ്ഥന് അജ്ഞാത രോഗം ഉണ്ടായെന്നും ചികിത്സ തേടിയെന്നുമാണ് റിപ്പോര്ട്ട്. ഒരു മാസത്തിനുള്ളില് ഇത് രണ്ടാം തവണയാണ് ഒരു അമേരിക്കന് നയതന്ത്ര ഉദ്യോഗസ്ഥന് ഹവാന സിന്ഡ്രോം ഉണ്ടാകുന്നത്. കഴിഞ്ഞ മാസം നിരവധി ഉദ്യോഗസ്ഥര്ക്ക് ഹവാന സിന്ഡ്രോം എന്ന വിചിത്രമായ അസുഖത്തിന്റെ ലക്ഷണങ്ങള് കാണിച്ചതിനെ തുടര്ന്ന് വൈസ് പ്രസിഡന്റ് കമലാ ഹാരിസിന്റെ വിയറ്റ്നാം സന്ദര്ശനം റദ്ദാക്കിയിരുന്നു.
ഉദ്യോഗസ്ഥരില് നിരന്തരമായി ഹവാന സിന്ഡ്രോം കണ്ടുവരുന്നതിനാല് വിശദമായ അന്വേഷണം നടത്തുകയാണ് അമേരിക്ക. ഈ വര്ഷം അവസാനത്തോടെ അന്വേഷണം പൂര്ത്തിയാക്കാനാണ് ലക്ഷ്യമിടുന്നത്. വിഷയത്തെക്കുറിച്ച് കൂടുതല് പ്രതികരണങ്ങള്ക്ക് തയ്യാറല്ലെന്നും ഉദ്യോഗസ്ഥരുടെ മാനസികവും ശാരീരികവുമായ പ്രശ്നങ്ങള് പരിഹരിക്കുന്നതിന് ചെയ്യാവുന്നതെല്ലാം ചെയ്യുന്നുണ്ടെന്നും സിഐഎ വക്താവ് വ്യക്തമാക്കി. അമേരിക്കയെ സംബന്ധിച്ച് വലിയ ആശങ്കയാണ് ഈ പ്രശ്നം. വിചിത്രമായ ചില ശബ്ദങ്ങള് കേള്ക്കുക, അപരിചിതമായ ശാരീരിക അസ്വസ്ഥതകള് അനുഭവപ്പെടുക തുടങ്ങിയ പ്രശ്നങ്ങളാണ് ഹവാന സിന്ഡ്രോമിന്റെ ലക്ഷണങ്ങള്.
English Summary: Havana Syndrome: Another CIA official has been diagnosed with the disease
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.