June 29, 2022 Wednesday

Latest News

June 29, 2022
June 28, 2022
June 28, 2022
June 28, 2022
June 28, 2022
June 28, 2022
June 28, 2022
June 28, 2022
June 28, 2022
June 28, 2022

തർക്കം പരിഹരിക്കാനെത്തിയ പൊലീസിനു നേരെ വെടിവയ്പ്; വനിതാ ഓഫീസർ ഉൾപ്പെടെ രണ്ട് മരണം

By Janayugom Webdesk
January 22, 2020

വാടകക്കാരൻ വീട്ടുടമസ്ഥനെ കുത്തി പരുക്കേൽപ്പിച്ച സംഭവം അന്വേഷിക്കാനെത്തിയ പൊലീസ് ഉദ്യോഗസ്ഥർക്കു നേരെ വാടകക്കാരൻ വെടിവെച്ചു. തുടർച്ചയായി വീട്ടിൽ നിന്നും വെടിയുതിർത്തതിനെ തുടർന്ന് ഒരു വനിതാ ഓഫിസർ ഉൾപ്പെടെ രണ്ടു പേർ കൊല്ലപ്പെട്ടു. ഒരു പൊലീസുകാരനു പരുക്കേല്ക്കുകയും ചെയ്തു. ഹൊന്ന ലുലു പൊലീസ് ചീഫ് സൂസൻ ആണ് ഇക്കാര്യം വ്യക്തമാക്കിയത്.

ജനുവരി 19 ഞായറാഴ്ച ഹൊന്ന ലുലു ടൂറിസ്റ്റ് കേന്ദ്രത്തിനു സമീപമുള്ള വീട്ടിലായിരുന്നു സംഭവം. വീട്ടിൽ നിന്ന് ഒഴിഞ്ഞുപോകണമെന്ന് കോടതിയിൽ നിന്നും നോട്ടീസ് ലഭിച്ചിട്ടും പോകാൻ തയ്യാറാകാതിരുന്ന വാടകക്കാരൻ ജെറി ഹാനലിനോട് വീട് ഒഴിഞ്ഞ് തരണമെന്നാവശ്യപ്പെട്ടാണ് ഉടമസ്ഥൻ വീട്ടിലെത്തിയത്. സംസാരത്തിനിടെ ഇരുവരും തമ്മിൽ തർക്കമുണ്ടാകുകയും ജെറി ഉടമസ്ഥനെ കുത്തി പരിക്കേല്പിക്കുകയും ചെയ്യുകയായിരുന്നു. എന്നാൽ തലനാരിഴയ്ക്ക് രക്ഷപ്പെട്ട ഉടമസ്ഥൻ പോലീസിൽ വിവരം അറിയിച്ചതിനെ തുടർന്നാണ് സംഘം അവിടെ എത്തിയത്.

ജെറി 20 റൗണ്ടോളം വെടിവെച്ചതിനെ തുടർന്ന് പൊലീസെത്തിയപ്പോൾ വീട്ടിൽ നിന്നും കനത്ത പുകപടലം ഉയരുന്നതാണ് കണ്ടത്. വെടിവെയ്പിൽ വാടക വീട് ആളി കത്തിയതിനെ തുടർന്ന് സമീപത്തുണ്ടായിരുന്ന ഏഴോളം വീടുകൾ കൂടി കത്തിയമർന്നു. അതേസമയം ജെറിക്കും വീട്ടിലുണ്ടായിരുന്ന രണ്ടു സ്ത്രീകൾക്കും എന്തുപറ്റിയെന്ന് അറിവായിട്ടില്ല. ജെറിയും രണ്ടു സ്ത്രീകളും മരിച്ചിരിക്കാമെന്നാണ് പൊലീസ് നിഗമനം.

 

YOU MAY ALSO LIKE THIS VIDEO

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.