വരും ദിവസങ്ങളില് സംസ്ഥാനത്ത് മഴ തീവ്രമാകാന് സാധ്യത . അറബിക്കടലില് ന്യൂനമര്ദ്ദം തീവ്രമായതിനാല് അതിശക്തമായ മഴക്കാണ് കേരളത്തില് സാധ്യത . ചൊവ്വാഴ്ചയോടെ ബംഗാള്ഉള്ക്കടലില് പുതിയ ന്യൂനമര്ദ്ദം രൂപപ്പെടാന് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് മുന്നരിയിപ്പ് നല്കി . ഇതിന്റെ സ്വാധീനഭലമായ് സംസ്ഥാനത്ത് മഴ തീവ്രമാകാനാണ് സാധ്യത.
അറബികടലില് ലക്ഷദ്വീപിനു സമീപം സ്ഥിതി ചെയ്യുന്ന ന്യുനമര്ദ്ദം നിലവില് തെക്ക് കിഴക്കന് അറബികടലിലും സമീപത്തുള്ള മധ്യ കിഴക്കന് അറബികടലിലുമായി സ്ഥിതി ചെയ്യുന്നു. വടക്ക് പടിഞ്ഞാറു ദിശയില് സഞ്ചരിക്കുന്ന ന്യുന മര്ദ്ദം അടുത്ത 24 മണിക്കൂറില് വീണ്ടും ശക്തി പ്രാപിക്കാനും തുടര്ന്നുള്ള 24 മണിക്കൂറില് വീണ്ടും ശക്തി പ്രാപിച്ചു തീവ്ര ന്യുന മര്ദ്ദമായി മാറി ഇന്ത്യന് തീരത്ത് നിന്ന് അകന്നു പോകാനും സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.മധ്യ പടിഞ്ഞാറന് ബംഗാള് ഉള്കടലില് ആന്ധ്രാപ്രദേശ് തീരത്ത് ചക്രവാതചുഴി നിലനില്ക്കുന്നു.ചൊവ്വാഴ്ചയോടെ തെക്ക് കിഴക്കന് ബംഗാള് ഉള്കടലില് പുതിയൊരു ന്യുന മര്ദ്ദം രൂപപ്പെടാന് സാധ്യതയുണ്ട്. ഇതിന്റെ സ്വാധീനഫലമായി വരുന്ന നാലുദിവസം ഇടിമിന്നലോട് കൂടിയ ഒറ്റപ്പെട്ട ശക്തമായ മഴയാണ് പ്രവചിക്കുന്നത്.
ഇന്ന് പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലും ശനിയാഴ്ച പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലും യെല്ലോ അലര്ട്ട് പ്രഖ്യാപിച്ചു. ഞായറാഴ്ച പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലും തിങ്കളാഴ്ച പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലും ജാഗ്രതാനിര്ദേശം നല്കിയിട്ടുണ്ട്.24 മണിക്കൂറില് 115.5 മില്ലിമീറ്റര് വരെ ലഭിക്കുന്ന ശക്തമായ മഴയ്ക്ക് സാധ്യതയുള്ളതിനാല് ജാഗ്രത പാലിക്കണമെന്നും മുന്നറിയിപ്പില് വ്യക്തമാക്കുന്നു.
കേരള — ലക്ഷദ്വീപ് തീരത്ത് ശനിയാഴ്ച വരെയും കര്ണാടക തീരത്ത് ഞായറാഴ്ച വരെയും മത്സ്യബന്ധനത്തിന് വിലക്കുണ്ട്. തീരത്ത് മണിക്കൂറില് 60 കിലോമീറ്റര് വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. അതിനാല് മത്സ്യത്തൊഴിലാളികള് ജാഗ്രത പാലിക്കണമെന്നും കാലവസ്ഥ വകുപ്പ് മുന്നറിയിപ്പ് നല്കി .
english summary;Heavy rain expected in kerala
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.