28 March 2024, Thursday

Related news

January 18, 2024
November 28, 2023
November 6, 2023
November 5, 2023
October 24, 2023
September 21, 2023
August 18, 2023
July 6, 2023
June 3, 2023
April 30, 2023

കൂട്ടിക്കലിനടുത്ത് വീണ്ടും ഉരുള്‍പൊട്ടി

Janayugom Webdesk
കോട്ടയം
December 6, 2021 9:13 pm

ഒന്നരമാസം മുമ്പ് ഉരുള്‍പൊട്ടലുണ്ടായ കൂട്ടിക്കലിനു സമീപം വീണ്ടും ഉരുള്‍പൊട്ടല്‍. സംഭവം വനമേഖലയിലായതിനാല്‍ ആള്‍നാശമോ കൃഷിനാശമോ ഉണ്ടായില്ല. എന്നാല്‍ മലവെള്ളപ്പാച്ചിലില്‍ കൂട്ടിക്കല്‍ മേഖലയിലെ നൂറോളം വീടുകളില്‍ വെള്ളം കയറി. നൂറുകണക്കിനാളുകള്‍ താല്‍ക്കാലിക ക്യാമ്പുകളിലേയ്ക്കും ബന്ധുവീടുകളിലേയ്ക്കും താമസം മാറ്റി.

ഒക്ടോബര്‍ 16ന് ഉരുള്‍പൊട്ടല്‍ വന്‍ നാശം വിതച്ച കൂട്ടിക്കലില്‍ നിന്ന് ആറുകി.മീറ്റര്‍ അകലെ ഇടുക്കി ജില്ലയിലെ കൊക്കയാര്‍ വില്ലേജില്‍പ്പെട്ട ഉറുമ്പിക്കരയിലാണ് ഇന്നലെ രാത്രി 11 മണിയോടെ ഉരുള്‍പൊട്ടിയത്.

ഇതിനെ തുടർന്ന് പുല്ലകയാറ്റിലും മണിമലയാറ്റിലും കനത്ത മലവെള്ളപ്പാച്ചിലുണ്ടായി. അടുത്തിടെ ഉരുൾപൊട്ടലുണ്ടായ ഏന്തയാർ, കൂട്ടിക്കൽ മേഖലകൾക്ക് സമീപമാണ് കഴിഞ്ഞദിവസം രാത്രി കനത്ത മഴയും ഉരുൾപൊട്ടലും ഉണ്ടായത്. വെള്ളപ്പാച്ചിലിൽ പുല്ലകയാറും പാപ്പാനി തോടും കരകവിഞ്ഞ് നിരവധി വീടുകളിൽ വെള്ളം കയറി. മുണ്ടക്കയം കോസ് വേ അടക്കം വെളളം കയറി. വൈകുന്നേരത്തോടെ തുടങ്ങിയ കനത്ത മഴയാണ് രാത്രിയിലും തുടർന്നത്. ജനവാസ മേഖലയായ ഇളങ്കാട്ടിൽ ഉരുൾപൊട്ടലുണ്ടായതോടെ ഏറെ ആശങ്കയോടെയാണ് പ്രദേശവാസികൾ കഴിയുന്നത്.

മലവെള്ളപ്പാച്ചിൽ ഒറ്റപ്പെട്ട കുടുംബങ്ങളെ പിന്നീട് സാഹസികമായി രക്ഷപെടുത്തി. റവന്യു, പൊലീസ്, അഗ്നിരക്ഷാ സേന അംഗങ്ങളും സ്ഥലത്തെത്തിയിരുന്നു. ജില്ലയിലെ മലയോരമേഖകളിൽ മഴ തുടരുകയാണ്.

eng­lish sum­ma­ry; heavy rain lashed kootikkal area

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.