September 30, 2022 Friday

Related news

September 21, 2022
September 1, 2022
August 30, 2022
August 27, 2022
August 24, 2022
August 20, 2022
August 20, 2022
August 19, 2022
August 19, 2022
August 19, 2022

മുംബൈയിലെ 48 കെട്ടിടങ്ങള്‍ പൊളിക്കണമെന്ന് ഹൈക്കോടതി

Janayugom Webdesk
മുംബൈ
July 29, 2022 8:36 pm

മുംബൈയിലെ 48 കെട്ടിടങ്ങള്‍ പൊളിക്കാന്‍ ഉത്തരവിട്ട് ഹൈക്കോടതി. ഛത്രപതി ശിവജി വിമാനത്താവളത്തിന് ചുറ്റുമുള്ള കെട്ടിടങ്ങളാണ് പൊളിക്കുന്നത്. സാമ്പത്തിക തലസ്ഥാനത്തെ വ്യോമയാന സുരക്ഷ വർധിപ്പിക്കുന്നതിനു വേണ്ടി ഉയര നിയന്ത്രണങ്ങൾ ലംഘിച്ച് നിര്‍മ്മിച്ച കെട്ടിടങ്ങളും അവയുടെ ഭാഗങ്ങളുമാണ് പൊളിച്ചു നീക്കുക. ഇതിനു വേണ്ട നടപടികള്‍ സ്വീകരിക്കാന്‍ മുംബൈ സബര്‍ബന്‍ ജില്ലാ കളക്ടര്‍ക്ക് ബോംബെ ഹൈക്കോടതി നിര്‍ദ്ദേശം നല്‍കി. നടപടികള്‍ സ്വീകരിക്കാന്‍ വൈകിയതില്‍ കോടതി ജില്ലാ കളക്ടറെ വിമര്‍ശിച്ചു.

വിഷയത്തില്‍ അടുത്ത മാസം 22 മുമ്പായി വിശദമായ സത്യവാങ് മൂലം സമര്‍പ്പിക്കാന്‍ ചീഫ് ജസ്റ്റിസ് ദിപാങ്കര്‍ ദത്ത, ജസ്റ്റിസ് എം എസ് കര്‍ണിക് എന്നിവരുടെ ബെഞ്ച് കളക്ടര്‍ക്ക് നിര്‍ദ്ദേശം നല്‍കി. പൊളിക്കലിന്റെ ഉത്തരവാദിത്തം ബ്രിഹൻ മുംബൈ മുനിസിപ്പൽ കോർപറേഷനിലേക്ക് (ബിഎംസി) മാറ്റാൻ ശ്രമിച്ചു കൊണ്ടുള്ള കളക്ടറുടെ സത്യവാങ്മൂലത്തിൽ ബെഞ്ച് അതൃപ്തി പ്രകടിപ്പിച്ചു.

സാന്താക്രൂസ്, അന്ധേരി, വൈൽ പാർലെ ഈസ്റ്റ് എന്നീ പ്രദേശങ്ങളിലായാണ് വിമാനത്താവളം വ്യാപിച്ചുകിടക്കുന്നത്. വൈൽ പാർലെ ഈസ്റ്റിലാണ് അനധികൃതമായ കെട്ടിടങ്ങളിൽ ഭൂരിഭാഗവും സ്ഥിതി ചെയ്യുന്നത്.

Eng­lish summary;High Court to demol­ish 48 build­ings in Mumbai

You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.