കരുവന്നൂര് സഹകരണ ബാങ്ക് തട്ടിപ്പ് കേസില് സിബിഐ അന്വേഷണമാവശ്യപ്പെട്ടുള്ള ഹര്ജി പരിഗണിക്കുന്നത് ഹൈക്കോടതി മാറ്റി. പത്ത് ദിവസത്തിനു ശേഷം ഹര്ജി പരിഗണിക്കുമെന്ന് ഹൈക്കോടതി അറിയിച്ചു. സര്ക്കാര് സത്യവാങ്മൂലത്തിനുള്ള മറുപടി നല്കാന് കൂടുതല് സാവകാശം വേണം എന്ന് ഹര്ജിക്കാരന് ആവശ്യപ്പെട്ടത് അനുസരിച്ചാണ് ഹര്ജി പരിഗണിക്കുന്നത് മാറ്റിയത്.
ബാങ്കില് 100 കോടി രൂപയുടെ തട്ടിപ്പ് നടന്ന സംഭവത്തില് ക്രൈം ബ്രാഞ്ച് അന്വേഷണം നടക്കുകയാണ്. വായ്പ്പാ തട്ടിപ്പ് ഗുരുതരമെന്നാണ് സഹകരണ ജോയിന്റ് രജിസ്ട്രാറുടെ റിപ്പോര്ട്ട് ഉണ്ട്. നൂറ് കോടിയില് പരിമിതപ്പെടുന്നതല്ല തട്ടിപ്പ് എന്നാണ് വിലയിരുത്തല്.
അതിനിടെ തട്ടിപ്പില് നാല് ഭരണസമിതി അംഗങ്ങള് അറസ്റ്റിലായി. പ്രസിഡന്റ് കെ കെ ദിവാകരന്, സി ജോസ്, ടിഎസ് ബൈജു, ലളിതന് എന്നിവരാണ് അറസ്റ്റിലായത്. ഇവര് സിപിഎം പ്രാദേശിക നേതാക്കളാണ്. 12 ഭരണസമിതി അംഗങ്ങള്ക്കെതിരെ ക്രൈംബ്രാഞ്ച് കേസ് എടുത്തിരുന്നു. കേസുമായി ബന്ധപ്പെട്ട് ആദ്യമായാണ് ഭരണസമിതി അംഗങ്ങളെ അറസ്റ്റ് ചെയ്യുന്നത്. ഭരണസമിതി അംഗങ്ങള് പദവി ദുരുപയോഗം ചെയ്ത് നൂറു കോടിയിലധികം രൂപയുടെ തട്ടിപ്പു നടത്തിയെന്നാണ് ക്രൈംബ്രാഞ്ച് കണ്ടെത്തിയത്.കരുവന്നൂര് സഹകരണ ബാങ്കില്നിന്ന് അഞ്ചുവര്ഷത്തിനുള്ളില് 200കോടിരൂപയാണ് നിക്ഷേപകര് പിന്വലിച്ചത്.
ഇത്ര ചെറിയ കാലത്ത് ഇത്രയേറെ നിക്ഷേപം പിന്വലിച്ചതിനു പിന്നില് ഭരണസമിതിക്ക് പങ്കുണ്ടെന്നാണ് സംശയിക്കുന്നത്. ബാങ്ക് പ്രതിസന്ധിയിലേക്ക് പോകുന്ന കാര്യമറിഞ്ഞ് ഭരണസമിതിയംഗങ്ങള് വേണ്ടപ്പെട്ടവരുടെ പണം പിന്വലിക്കാന് നിര്ദേശിക്കുകയായിരുന്നുവെന്നാണ് കരുതുന്നത്.2015–16 സാമ്പത്തികവര്ഷം 501 കോടിയുടെ നിക്ഷേപമുണ്ടായിരുന്നു കരുവന്നൂര് ബാങ്കില്. 2016–17ല് നിക്ഷേപം 424 കോടിയായി. 77 കോടിയാണ് ആ വര്ഷം പിന്വലിച്ചത്. 2017–18ല് നിക്ഷേപം 405 കോടിയായും അടുത്ത വര്ഷം 340 കോടിയായും കുറഞ്ഞു. 104 കോടിയുടെ തട്ടിപ്പുനടന്നെന്ന് സഹകരണവകുപ്പ് കണ്ടെത്തി റിപ്പോര്ട്ട് ചെയ്ത അവസാനത്തെ സാമ്ബത്തിക വര്ഷം നിക്ഷേപം 301 കോടിയായിരുന്നു. അഞ്ചു വര്ഷത്തില് 200 കോടിയാണ് പിന്വലിച്ചത്.
ഭരണസമിതി അംഗങ്ങള് പദവി ദുരുപയോഗം ചെയ്ത് നൂറു കോടിയിലധികം രൂപയുടെ തട്ടിപ്പു നടത്തിയെന്നാണ് ക്രൈംബ്രാഞ്ച് കണ്ടെത്തിയത്.കരുവന്നൂര് സഹകരണ ബാങ്കില്നിന്ന് അഞ്ചുവര്ഷത്തിനുള്ളില് 200കോടിരൂപയാണ് നിക്ഷേപകര് പിന്വലിച്ചത്. ഇത്ര ചെറിയ കാലത്ത് ഇത്രയേറെ നിക്ഷേപം പിന്വലിച്ചതിനു പിന്നില് ഭരണസമിതിക്ക് പങ്കുണ്ടെന്നാണ് സംശയിക്കുന്നത്. ബാങ്ക് പ്രതിസന്ധിയിലേക്ക് പോകുന്ന കാര്യമറിഞ്ഞ് ഭരണസമിതിയംഗങ്ങള് വേണ്ടപ്പെട്ടവരുടെ പണം പിന്വലിക്കാന് നിര്ദേശിക്കുകയായിരുന്നുവെന്നാണ് കരുതുന്നത്.
2015–16 സാമ്പത്തികവര്ഷം 501 കോടിയുടെ നിക്ഷേപമുണ്ടായിരുന്നു കരുവന്നൂര് ബാങ്കില്. 2016–17ല് നിക്ഷേപം 424 കോടിയായി. 77 കോടിയാണ് ആ വര്ഷം പിന്വലിച്ചത്. 2017–18ല് നിക്ഷേപം 405 കോടിയായും അടുത്ത വര്ഷം 340 കോടിയായും കുറഞ്ഞു. 104 കോടിയുടെ തട്ടിപ്പുനടന്നെന്ന് സഹകരണവകുപ്പ് കണ്ടെത്തി റിപ്പോര്ട്ട് ചെയ്ത അവസാനത്തെ സാമ്ബത്തിക വര്ഷം നിക്ഷേപം 301 കോടിയായിരുന്നു. അഞ്ചു വര്ഷത്തില് 200 കോടിയാണ് പിന്വലിച്ചത്.
English Summary : highcourt considering plea on karuvannur bank scam postponded
You may also like this video :
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.