November 27, 2022 Sunday

Related news

November 2, 2022
July 14, 2022
June 24, 2022
June 2, 2022
June 1, 2022
May 30, 2022
May 29, 2022
April 26, 2022
April 23, 2022
April 14, 2022

ഹിജാബ് വിവാദം‌: മംഗളുരുവിൽ കോളജ്‌ അടച്ചു

Janayugom Webdesk
മംഗളുരു
February 26, 2022 9:54 am

മംഗളുരുവില്‍ ഹിജാബ് ധരിച്ചെത്തിയ വിദ്യാർത്ഥികളെ  തടഞ്ഞതിനുപിന്നാലെയുണ്ടായ പ്രതിഷേധത്തെത്തുടർന്ന്‌ കോളജ് അടച്ചു. വിദ്യാഭ്യാസ സ്ഥാപനങ്ങളിലെ യൂണിഫോമിൽ  മതചിഹ്നങ്ങൾ പാടില്ലെന്ന ഹൈക്കോടതി ഇടക്കാല ഉത്തരവിന്റെ  പശ്ചാത്തലത്തിലാണ്‌ ഹിജാബ് ധരിച്ച വിദ്യാർത്ഥികളെ ഉള്ളാൾ ഭാരത് പ്രീ യൂണിവേഴ്‌സിറ്റി കോളജ്  തടഞ്ഞത്.

വിദ്യാർത്ഥിനികൾ ക്ലാസിൽ കയറുന്നത്‌ തുടർച്ചയായി രണ്ടാം ദിവസവും കോളജ് അധികൃതർ വിലക്കിയതോടെയാണ് വിദ്യാർത്ഥിനികൾ പ്രതിഷേധവുമായി രംഗത്തെത്തിയത്. കോളജിനുമുന്നിൽ ഹിജാബണിഞ്ഞ വിദ്യാർത്ഥിനികൾ കുത്തിയിരിപ്പുസമരം നടത്തി. സഹപാഠികളായ ആൺകുട്ടികളും ഇവർക്ക്‌ പിന്തുണയുമായെത്തി.

വിദ്യാർത്ഥികൾ ഒന്നടങ്കം ക്ലാസുകൾ ബഹിഷ്‌കരിച്ച് കവാടത്തിനരികിലിരുന്നു. മംഗളുരു ഡെപ്യൂട്ടി പൊലീസ് കമ്മിഷണർ ഹരിറാം ശങ്കർ, എസിപി ദിനകർ, ഉള്ളാൾ ഇൻസ്‌പെക്ടർ സന്ദീപ് എന്നിവരെത്തി വിദ്യാർത്ഥികളുമായി സംസാരിച്ചെങ്കിലും അവർ പിന്മാറിയില്ല. സ്ഥലം എംഎൽഎ യു ടി ഖാദർ തഹസിൽദാരുടെ സാന്നിധ്യത്തിൽ കോളജ് മാനേജ്‌മെന്റുമായും രക്ഷിതാക്കളുമായും നടത്തിയ  ചർച്ചയും ഫലം കണ്ടില്ല. ഇതോടെ കോളജ് അടച്ചിടാൻ തീരുമാനിക്കുകയായിരുന്നു.

eng­lish sum­ma­ry; Hijab con­tro­ver­sy: Col­lege clos­es in Mangalore

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.