Web Desk

ന്യൂഡൽഹി

February 27, 2020, 1:06 pm

‘ഇതാണ് എന്റെ ഇന്ത്യ’; മുസ്ലിം കുടുംബങ്ങൾക്ക് രക്ഷകരായത്‌ ഹിന്ദു അയൽക്കാർ

Janayugom Online

ഡൽഹിയുടെ വടക്കു കിഴക്കൻ മേഖലയിൽ പൊട്ടിപ്പുറപ്പെട്ട കലാപം ഇന്ത്യയെ മുഴുവൻ ഭയപെടുത്തുന്നതായിരുന്നു. ഇന്ത്യയെ മുഴുവൻ അരക്ഷിതാവസ്ഥയിലേക്ക് നയിച്ച ആശങ്കയുടെ ദിവസങ്ങളാണ് കടന്നു പോയത്. കലാപം സൃഷ്‌ടിച്ച മുറിപ്പാടുകൾ ഡൽഹിയെ ഇപ്പോഴും പൊള്ളിക്കുകയാണ്. ഇതിനിടയിൽ ആശ്വാസം പകരുന്ന വാക്കുകളാണ് ആൾ ഇന്ത്യ ഇൻസ്റ്റിറ്റ്യുട്ട് ഓഫ് മെഡിക്കൽ സയൻസിലെ ആർഡിഎ മുൻ പ്രസിഡന്റ് ഹർജിത് സിംഗ് ഭട്ടി ട്വിറ്ററിൽ പങ്കുവെച്ചിരിക്കുന്നത്.

ഡൽഹിയിൽ കലാപകാരികൾ 25 മുസ്ലിം കുടുംബങ്ങളുടെ വീടുകൾക്ക് തീ വെച്ച് നശിപ്പിച്ചപ്പോൾ അവർക്ക് സുരക്ഷയൊരുക്കിയത് അയൽവാസികളായ ഹിന്ദു കുടുംബങ്ങളെന്ന് അദ്ദേഹം ട്വിറ്ററിൽ കുറിച്ചു. ‘ഇന്നലെ മുതൽ ശ്യാംവിഹാറിലെ ഹിന്ദു വീടുകളിൽ അഭയം തേടിയത് 25 മുസ്ലിം കുടുംബങ്ങളാണ്. ഇവരെ പൊലിസിന്റെ സഹായത്തോടെ പുറത്തെത്തിച്ച് മുസ്തഫാബാദ് ആശുപത്രിയിലെത്തിച്ചു. കലാപം സൃഷ്‌ടിച്ച ആർഎസ്എസ്, ബിജെപി ഗുണ്ടകളിൽ നിന്ന് തങ്ങളെ സംരക്ഷിച്ചത് ഹിന്ദു അയൽക്കാരാണെന്ന് ആ കുടുംബങ്ങൾ പറഞ്ഞു. ഇതാണ് എന്റെ ഇന്ത്യ’- ഹർജിത് സിംഗ് ട്വിറ്ററിൽ കുറിച്ചു. കലാപം നടന്ന മേഖലയിൽ ആരോഗ്യ പ്രവർത്തകർക്ക് നേരെയുണ്ടയ അതിക്രമങ്ങൾ സോഷ്യൽ മീഡിയയിലൂടെ പുറം ലോകത്തെ അറിയിച്ചതും ഹർജിത് സിംഗ് ഭട്ടിയായിരുന്നു.

ENGLISH SUMMARY: Hin­du neigh­bors helped Mus­lim families

YOU MAY ALSO LIKE THIS VIDEO