Web Desk

കൊച്ചി

August 11, 2021, 4:32 pm

വീടുപൊളിച്ച കേസ്: മറിയക്കുട്ടിയുടെ ഹര്‍ജിയില്‍ മുന്‍ സബ് കളക്ടര്‍ക്ക് ഒരു ലക്ഷംരൂപ പിഴ

Janayugom Online

ഒറ്റപ്പാലം മുന്‍ സബ് കളക്ടറും ഇടുക്കി പാക്കേജ് സ്പെഷല്‍ ഓഫിസറുമായ അര്‍ജുന്‍ പാണ്ഡ്യനു കാല്‍ ലക്ഷം രൂപ പിഴയിട്ട് ഹൈക്കോടതി. കോടതിയലക്ഷ്യക്കേസില്‍ സ്ഥലം മാറ്റിയതിനു പിന്നാലെയാണ് പിഴ നല്‍കണമെന്ന് ഹൈക്കോടതി ഉത്തരവിട്ടത്. ഒറ്റപ്പാലത്തു ‘ഓപ്പറേഷന്‍ അനന്ത’ എന്ന റോഡ് വികസനത്തിന്റെ ഭാഗമായി മുന്‍വശം പൊളിച്ചുനീക്കിയ കെട്ടിടത്തിന്റെ ഉടമയായ ഹര്‍ജിക്കാരിക്കു തുക നല്‍കാനാണു കോടതി പറഞ്ഞത്.
ഒറ്റപ്പാലം സ്വദേശി കെ ടി മറിയക്കുട്ടി ഉമ്മയാണ് കേസില്‍ ഹര്‍ജിക്കാരി. കഴിഞ്ഞ വര്‍ഷം നവംബറിലാണ് ഇവരുടെ ഉടമസ്ഥതയിലുള്ള കെട്ടിടത്തിന്റെ മുന്‍ഭാഗം പൊളിച്ചത്. ഇത് 2016ല്‍ ഹൈക്കോടതി നല്‍കിയിരുന്ന സ്റ്റേ ഉത്തരവിലെ സുപ്രധാന വ്യവസ്ഥയുടെ ലംഘനമാണെന്നു കാണിച്ചു മറിയക്കുട്ടിയുമ്മ ഹൈക്കോടതിയെ സമീപിച്ചു. അന്തിമവിധി ഹര്‍ജിക്കാരിക്ക് എതിരായാലും കോടതിയുടെ അനുമതിയില്ലാതെ തുടര്‍ന‌ടപടി പാടില്ലെന്ന സ്റ്റേ ഉത്തരവിലെ നിബന്ധന ലംഘിച്ചതാണു കോടതിയലക്ഷ്യമായത്.
കോടതിയലക്ഷ്യക്കേസിന്റെ തുടര്‍ച്ചയായാണു സബ് കലക്ടറെ സ്ഥലം മാറ്റാന്‍ ഉത്തരവായത്. വ്യാപാര സ്ഥാപനത്തിന്റെ മുന്‍വശം പൊളിച്ചുനീക്കി സര്‍ക്കാരിലേക്കെടുത്ത ഭൂമി കൈവശക്കാര്‍ക്കു തിരിച്ചേല്‍പ്പിക്കാന്‍ ഹൈക്കോടതി നേരത്തെ ഉത്തരവിട്ടിരുന്നു. ഇതുപ്രകാരം റവന്യു വകുപ്പു സാങ്കേതികമായി ഭൂമി തിരിച്ചേല്‍പ്പിച്ചു.

Eng­lish Sum­ma­ry: Home demo­li­tion case: For­mer sub-col­lec­tor fined Rs 1 lakh on Mari­akut­ty’s plea

You may like this video also