ഡൽഹിയിൽ കോവിഡ് കേസുകളുടെ എണ്ണം കുറയുന്നു. ഇതോടെ ഹോം ഐസൊലേഷനില്‍ കഴിയുന്ന രോഗികളുടെ എണ്ണം 2,361 ആയി കുറഞ്ഞു. കഴിഞ്ഞ 14 ദിവസത്തിനുള്ളിൽ ഹോം ഐസൊലേഷൻ കേസുകളിൽ 80 ശതമാനത്തിന്റെ കുറവാണ് രേഖപ്പെടുത്തിയിരിക്കുന്നത്. ഈ മാസത്തിന്റെ തുടക്കത്തില്‍ 12,312 ഹോം ഐസൊലേഷൻ കേസുകളാണ് റിപ്പോര്‍ട്ട് ചെയ്തിരുന്നത്. കണ്ടെയ്‌ൻമെന്റ് സോണുകളുടെ എണ്ണവും കുറഞ്ഞു. 37,116 ആയിരുന്നത് ഫെബ്രുവരി 14 ആയപ്പോള്‍ 16,154 ആയി കുറഞ്ഞു. ജനുവരി ഒന്നിന് ഹോം ഐസൊലേഷൻ കേസുകള്‍ 3,248 എണ്ണവും, കണ്ടെയ്‌ൻമെന്റ് സോണുകള്‍ 1,243 എണ്ണവും ആയിരുന്നു.
നിലവില്‍ പ്രതിദിന കേസുകളുടെ എണ്ണം കുറഞ്ഞുവരികയാണ്. ജനുവരി 13 ന് ഡല്‍ഹിയില്‍ റെക്കോര്‍ഡ് വര്‍ധനവാണ് റിപ്പോര്‍ട്ട് ചെയ്തത്. 28,867 പേരായിരുന്നു രോഗികൾ. രോഗസ്ഥിരീകരണ നിരക്ക് 30.6 ശതമാനമായി കുതിച്ചുയർന്നു. പ്രതിദിനരോഗികൾ പതിനായിരമാവാൻ പത്തു ദിവസമെടുത്തു. ജനുവരി 23 ന് ഡൽഹിയിൽ 9,197 കോവിഡ് കേസുകളും 13.32 ശതമാനം പോസിറ്റിവിറ്റി നിരക്കും 34 മരണങ്ങളും റിപ്പോർട്ട് ചെയ്തിരുന്നു. ഇത് ഫെബ്രുവരി 14 ആയപ്പോള്‍ 586 കേസുകളും 1.37 ശതമാനം പോസിറ്റീവ് നിരക്കും നാല് മരണങ്ങളും രേഖപ്പെടുത്തി. ജനുവരി 14ന് 30 ശതമാനം കടന്ന പോസിറ്റിവിറ്റി നിരക്ക് ഫെബ്രുവരി 14ന് 1.37 ശതമാനമായി കുറഞ്ഞു.
English Summary:Home isolation cases are also low in delhi
You may also like this video
