March 23, 2023 Thursday

കെഎസ്ആർടിസി ബസിൽ ‘ക്വാറന്റീൻ’ മുദ്രയുള്ള യാത്ര‍ക്കാർ; യാത്ര പൊലീസ് തടഞ്ഞു

Janayugom Webdesk
അങ്കമാലി
March 21, 2020 7:00 pm

നെടുമ്പാശേരി വിമാനത്താവളത്തിൽ നിന്ന് യാത്രക്കാരുമായി പോയ കെഎസ്ആർടിസി വോൾവോ ബസ് ചാലക്കുടി ബസ് സ്റ്റാൻഡിൽ പൊലീസ് തടഞ്ഞു. ബസിൽ രോഗലക്ഷണങ്ങളുള്ള 2 യാത്രക്കാരുണ്ടായതിനെ തുടർന്നാണിത്. ഷാർജയിൽ ഹോം ക്വാറന്റീൻ നിർദേശിച്ചവരാണ് ഇവരെന്നാണ് വിവരം. ഇരുവരുടെയും കയ്യിൽ ‘ഹോം ക്വാറന്റീൻ’ മുദ്ര പതിപ്പിച്ചിട്ടുണ്ട്.

ഷാർജയിൽ നിന്ന് ഇന്നലെ ബെംഗളൂരുവിൽ എത്തിയവരാണിവർ. നെടുമ്പാശേരിയിൽ നിന്ന് അങ്കമാലി വരെ ടാക്സിയിൽ എത്തിയ ഇവർ അങ്കമാലി സ്റ്റാന്റിൽ നിന്നും കെഎസ്ആർടിസി ബസിൽ കയറുകയായിരുന്നു. അങ്കമാലിയിൽ ഇവർ മറ്റിടങ്ങളിൽ കയറിയതായി വിവരമില്ല. അങ്കമാലിയിൽ നിന്നും പുറപ്പെട്ടബസ് കറുകുറ്റിയിലെത്തിയപ്പോൾ സഹയാത്രക്കാർ ഇവരുടെ കയ്യിൽ ‘ഹോം ക്വാറന്റീൻ’ മുദ്ര കണ്ട് ബസ് കണ്ടക്ടറെ വിവരം ധരിപ്പിച്ചു.

തുടർന്ന് കണ്ടക്ടർ ഡിഎംഒയെ വിവരമറിയിക്കുകയായിരുന്നു. പിന്നീട് പൊലീസും സ്ഥലത്തെത്തി ബസ് ചാലക്കുടിയിൽ തടഞ്ഞു.
ഒരാൾ തൃപ്രയാർ വടക്കുംമുറി സ്വദേശിയും മറ്റെയാൾ മണ്ണുത്തി ചെന്നായ്പാറ സ്വദേശിയുമാണ്. ഇരുവരെയും പിഡബ്ല്യുഡി റസ്റ്റ് ഹൗസിലേയ്ക്ക് മാറ്റി. ഇരുവർക്കും രോഗം ബാധിച്ചതായി സ്ഥിരീകരണമില്ല. 40 പേരാണ് ബസിൽ ഉണ്ടായിരുന്നത്. ബസ് ശുചീകരിച്ച ശേഷം യാത്ര തുടരാൻ അനുവദിച്ചു.

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.