രോഗിയുമായി പോവുകയായിരുന്ന ആംബുലൻസ് ഓവർടേക്ക് ചെയ്യുന്നതിനിടെ ഹോൺ അടിച്ചതിൻ്റെ പേരിൽ ഡ്രൈവറെ ഒരു സംഘം യുവാക്കൾ മർദിച്ചു. ആംബുലൻസ് ഡ്രൈവർ കൊട്ടിയം പോലീസിൽ പരാതി നൽകിയിട്ടുണ്ട്. ഒരു ബൈക്കിൽ ഹെൽമെറ്റ് പോലും ധരിക്കാതെ യാത്ര ചെയ്ത മൂന്ന് യുവാക്കളാണ് സർവീസ് റോഡിൽ വെച്ച് ആംബുലൻസ് തടഞ്ഞു നിർത്തിയത്. തുടർന്ന് ഡ്രൈവറുടെ വാതിൽ തുറന്ന് ഇവർ മർദിക്കുകയായിരുന്നു. ആംബുലൻസിൽ രോഗിയുണ്ടെന്നും ഉടൻ വിട്ടുനൽകണമെന്നും നാട്ടുകാർ ഉൾപ്പെടെ അഭ്യർത്ഥിച്ചതിന് ശേഷമാണ് യുവാക്കൾ വാഹനം വിട്ടുനൽകാൻ തയ്യാറായത്. സംഭവത്തിൽ കൊട്ടിയം പോലീസ് അന്വേഷണം ആരംഭിച്ചു. പ്രതികളെ ഉടൻ പിടികൂടുമെന്ന് പോലീസ് അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.