പുതിയ ഗെയിമിംഗ് പിസി പോര്‍ട്ട്‌ഫോളിയോ വിക്ടസ് എച്ച്പി ഇന്ത്യയില്‍ അവതരിപ്പിച്ചു. 16 ഇഞ്ച് ലാപ്‌ടോപ്പ് ഡിസൈനോടു കൂടിയ ഗെയിമിംഗ് നോട്ടുബുക്ക് മൈക്ക സില്‍വര്‍, പെര്‍ഫോമന്‍സ് ബ്ലൂ എന്നീ നിറങ്ങളില്‍ ലഭിക്കും. എഎംഡി റൈസണ്‍ പ്രോസസര്‍ നല്‍കുന്ന എച്ച്പി ഇ സീരീസ് വിക്ടസ് ലാപ്ടോപ്പുകള്‍ 64,999 രൂപ മുതല്‍ ആമസോണിലും ഇന്റല്‍ 11 പ്രോസസ്സര്‍ നല്‍കുന്ന എച്ച്പി ഡി സീരീസ് വിക്ടസ് ലാപ്ടോപ്പുകള്‍ 74,999 രൂപ മുതല്‍ റിലയന്‍സ് ഡിജിറ്റലിലും ലഭ്യമാണ്. പോസ്റ്റ്-കണ്‍സ്യൂമര്‍ റീസൈക്കിള്‍ഡ് ഓഷ്യന്‍ ബൗണ്ട് പ്ലാസ്റ്റിക്കില്‍ നിന്നാണ് വിക്ടസ് 16 നിര്‍മ്മിച്ചിരിക്കുന്നത്
എഎംഡി റൈസണ്‍ , ഇന്റല്‍ കോര്‍ പ്രോസസ്സറുകള്‍ എന്നിങ്ങനെ രണ്ട് പ്രോസസറുകളില്‍ ഇത് ഇന്ത്യയില്‍ ലഭ്യമാകും. രണ്ട് മോഡലുകളും എഫ്എച്ച്ഡി ഐപിഎസ് 144 ഹെര്‍ട്സ് ഡിസ്പ്ലേ 3, ബാംഗ് ആന്‍ഡ് ഒലൂഫ്സെനില്‍ നിന്നുള്ള ഓഡിയോ, ഓള്‍ പര്‍പ്പസ് ബാക്ക്ലിറ്റ് ഗെയിമിംഗ് കീബോര്‍ഡ്, ശക്തമായ എന്‍വിഡിയ ജിഫോഴ്സ് ആര്‍ടിഎക്സ്ടിഎം ഗ്രാഫിക്സ്, നവീകരിച്ച കൂളിംഗ് സിസ്റ്റം എന്നിവ ഉപയോഗിച്ച് ഉയര്‍ന്ന ഗെയിമിംഗ് അനുഭവം നല്‍കുന്നതുമാണ്. പ്രീഇന്‍സ്റ്റാള്‍ ചെയ്ത ഒമെന്‍ ഗെയിമിംഗ് ഹബ് ഉപയോഗിച്ച് അണ്ടര്‍വോള്‍ട്ടിംഗ്, പെര്‍ഫോമന്‍സ് മോഡ്, നെറ്റ്‌വര്‍ക്ക് ബൂസ്റ്റര്‍, സിസ്റ്റം വൈറ്റലുകള്‍ എന്നിവ പോലുള്ള സവിശേഷതകള്‍ വാഗ്ദാനം ചെയ്യുന്നു. വ്യത്യസ്തമായ രൂപകല്‍പ്പന, എഎഎ ഗെയിമിംഗിന് അനുയോജ്യമായ ഇമ്മേഴ്‌സീവ് ഡിസ്പ്ലേ, പവര്‍ കൂളിംഗ് എന്നിവയാണ് മറ്റു പ്രത്യേകതകള്‍. 16 ജിബി വരെയുള്ള മെമ്മറി, 32 ജിബി ഡിഡിആര്‍ 4 റാം വരെ അപ്‌ഗ്രേഡുചെയ്യാനാകും.
English Summary: HP Introduces Victus Gaming Notebooks
You may like this video also
