വിശപ്പ് രഹിത ചാരുംമൂട് പദ്ധതിയുടെ ഭാഗമായി ജംഗ്ഷന് കിഴക്ക് ബസ് സ്റ്റോപ്പിന് സമീപം ഭക്ഷണ അലമാര സ്ഥാപിച്ചു. ഇവിടെ എത്തിക്കുന്ന ഊണ് പൊതികൾ, ലഘുഭക്ഷണങ്ങൾ, പാനീയങ്ങൾ മുതലായവ അലമാരയിൽ നിന്നും ആവശ്യക്കാർക്ക് സൗജന്യമായി എടുക്കാം.
ഭരണിക്കാവ് ബ്ളോക്ക് പഞ്ചായത്ത് വൈസ് പ്രസിഡന്റ് സിനുഖാന്റെ നേതൃത്വത്തിൽ സുമനസുകളുടെയും, വ്യാപാരികളുടെയും, സംഘടനകളുടെയും സഹായത്തോടെയാണ് ഭക്ഷണ പാനീയങ്ങൾ എത്തിക്കുന്നത്. എം എസ് അരുൺകുമാർ എംഎൽഎ ഉദ്ഘാടനം ചെയ്തു.
ബ്ലോക്ക് പഞ്ചായത്ത് പ്രസിഡന്റ് എസ് രജനി അധ്യക്ഷത വഹിച്ചു. സിനുഖാൻ പദ്ധതി വിശദീകരിച്ചു. ബ്ളോക്ക് പഞ്ചായത്തംഗം പ്രസന്നകുമാരി, വ്യാപാരി വ്യവസായി ഏകോപന സമിതി യൂണിറ്റ് ജനറൽ സെക്രട്ടറി ഗിരീഷ് അമ്മ, മെസഞ്ചർ ഗ്രൂപ്പ് അഡ്മിൻ സിദ്ധീഖ് ഹുസൈൻ, റഷീദ്, അനു കാരയ്ക്കാട്, ബെനോസ് മാത്യു തുടങ്ങിയവർ പങ്കെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.