Web Desk

ന്യൂഡൽഹി

April 26, 2020, 5:45 pm

മക്കളുടെ ഭാവിയെച്ചൊല്ലി തർക്കം: ഭർത്താവ് ഭാര്യയെ കൊലപ്പെടുത്തി

Janayugom Online

മക്കളുടെ ഭാവിയെച്ചൊല്ലിയുണ്ടായ തർക്കത്തിനൊടുവിൽ ഭർത്താവ് ഭാര്യയെ കൊലപ്പെടുത്തി. കോവിഡ് വ്യാപനം രൂക്ഷമായ ഡൽഹിയിലെ മദിപൂർ ജെ ജെ കോളനിയിലാണ് സംഭവം. 34 കാരനായ റയ്സുൾ അസം ആണ് ഭാര്യ ഗുൽഷണിനെ വടികൊണ്ട് അടിച്ച് കൊലപ്പെടുത്തിയത്.

ഇരുവരുടേയും രണ്ടാം വിവാഹമായിരുന്നു. റയ്സുൾ കുറച്ച് മാസങ്ങൾക്കുമുമ്പാണ് ഗുൽഷണിനെ വിവാഹം ചെയ്തത്. ആദ്യഭാര്യയിൽ റയ്സുളിന് മൂന്ന് കുട്ടികളാണുള്ളത്. ഗുൽഷണിന് ആദ്യവിവാഹത്തിൽ ആറു കുട്ടികളുമുണ്ട്. കുട്ടികളുടെ ഭാവിയെക്കുറിച്ചുണ്ടായ സംസാരം ഒടുവിൽ കലഹത്തിൽ അവസാനിക്കുകയായിരുന്നു. കൊലപാതക വിവരം റയ്സുൾ അസം തന്നെയാണ് പൊലീസിനെ വിളിച്ച് അറിയിച്ചത്. തുടര്‍ന്ന് ഇയാളെ പൊലീസ് അറസ്റ്റ് ചെയ്തു.

അതേസമയം ഡൽഹിയിലെ ദ്വാരകയിലും കോവിഡിനിടയിൽ കൊലപാതകം നടന്നിരുന്നു. ദമ്പതികൾ ചേർന്ന് ഭർത്താവിന്റെ മാതാപിതാക്കളെ കൊലപ്പെടുത്തുകയായിരുന്നു. ഇരുവരേയും പൊലീസ് പിന്നീട് അറസ്റ്റ് ചെയ്തു.

Eng­lish Sum­ma­ry: hus­band kills wife after fight over children’s future

YOU MAY ALSO LIKE THIS VIDEO