Web Desk

ഹൂസ്റ്റൺ:

November 17, 2020, 4:05 pm

ഹൂസ്റ്റൺ ഓർത്തഡോക്സ് കൺവൻഷൻ 19ന് തുടങ്ങും

Janayugom Online

മലങ്കര ഓർത്തഡോക്സ് സഭയുടെ സൗത്ത് വെസ്റ്റ് അമേരിക്കൻ ഭദാസനത്തിലെ ഹൂസ്റ്റൺ റീജിയനിൽ ഉൾപ്പെട്ട ഇടവകകളുടെ സംയുക്താഭിമുഖ്യത്തിൽ നടത്തപ്പെടുന്ന ഓർത്തോഡോക്സ് കൺവൻഷൻ ഹൂസ്റ്റൺ സെൻറ് മേരീസ് ഓർത്തഡോക്സ് ദേവാലയത്തിൽ (9915 Belk­nap Rd, Sug­ar Land, TX 77498) 2020 നവംബർ 19,20, 21 (വ്യാഴം, വെള്ളി, ശനി) എന്നീ തീയതികളിൽ നടത്തപ്പെടുന്നു. ഹൂസ്റ്റണിൽ നടത്തപ്പെടുന്ന ഈ സംയുക്ത കൺവെൻഷന് സെൻറ് തോമസ് കത്തിഡ്രൽ, സെൻറ് ഗ്രീഗോറിയോസ്, സെൻറ് സ്റ്റീഫൻസ്, സെൻറ് മേരീസ്, സെൻറ് പീറ്റേഴ്സ് ആന്റ് സെന്റ് പോൾസ് എന്നീ ദേവാലയങ്ങൾ നേതൃത്വം നൽകും.

ഈ വർഷത്തെ കൺവൻഷനു സൗത്ത് വെസ്റ്റ് അമേരിക്കൻ ഭദാസന സഹായ മെത്രാപ്പോലീത്താ ഡോ. സഖറിയാസ് മാർ അപ്രേം, മലങ്കര ഓർത്തഡോക്സ് സഭയിലെ പ്രമുഖ കൺവൻഷൻ പ്രാസംഗികനും, ഹൂസ്റ്റൺ സെൻറ് പീറ്റേഴ്സ് ആൻഡ് സെൻറ് പോൾസ് ഓർത്തോഡോക്സ് ഇടവക വികാരിയുമായ റവ. ഫാ. ഐസക് ബി. പ്രകാശ്, ഹൂസ്റ്റൺ സെൻറ് സ്റ്റീഫൻസ് ഓർത്തോഡോക്സ് ഇടവക വികാരി റവ. ഫാ. ജേക് കുര്യൻ എന്നിവർ നേതൃത്വം നൽകും. വിവിധ ഇടവകകളിൽ നിന്നുമുള്ള അംഗങ്ങൾ ചേർന്നുള്ള ഗായകസംഘം ഗാനശുശ്രൂഷ നയിക്കും. യുവതി യുവാക്കൾക്കും, കുട്ടികൾക്കുമായി പ്രത്യേക സെഷനുകളും ഉണ്ടാകും.

കൺവൻഷന്റെ സുഗമമായ നടത്തിപ്പിന് ഈ ഇടവകകളിൽ നിന്നുള്ള വൈദികരും ഇടവക അംഗങ്ങളും അടങ്ങുന്ന വിവിധ കമ്മിറ്റികൾ പ്രവർത്തിച്ചുവരുന്നു. കൺവൻഷൻ കൺവീനർ ഫാ. ജോൺസൺ പുഞ്ചക്കോണം, സെക്രട്ടറി മനോജ് തോമസ് (സെന്റ് തോമസ് ), ട്രഷറർ: അനിൽ എബ്രഹാം (സെന്റ് മേരീസ്), കമ്മറ്റി അംഗങ്ങളായി ഷീജ വർഗ്ഗീസ്, എൽദോ പീറ്റർ (സെന്റ് ഗ്രീഗോറിയോസ് )ഫിലിപ്പ് ഫിലിപ്പോസ്, സജി പുളിമൂട്ടിൽ, ജിം തോമസ് (സെന്റ് സ്റ്റീഫൻസ്), നൈനാൻ വീട്ടിനാൽ, ഷാജി പുളിമൂട്ടിൽ, (സെന്റ് മേരീസ് ) രാജു സ്കറിയ, ഷിജിൻ തോമസ്, (സെന്റ് പീറ്റേഴ്സ് ആന്റ് സെന്റ് പോൾസ്, ഷൈനി ജോർജ് ആന്റ് ബിജു ജോർജ്, (സെന്റ് തോമസ് ) ഗായകസംഘ കോഓർഡിനേറ്റർമാരായി – വിശാഖ് പണിക്കർ, സ്റ്റീഫൻ ജെയിംസ് (സെന്റ് മേരീസ്) ബിജു ജോർജ് (സെന്റ് തോമസ്) പബ്ലിസിറ്റി കൺവീനർ ഫാ. ജോൺസൻ പുഞ്ചക്കോണം, എൽദോ പീറ്റർ എന്നിവരുടെ നേതൃത്വത്തിൽ വിവിധ കമ്മറ്റികൾ പ്രവർത്തിച്ചുവരുന്നു.

സെൻറ് മേരീസ് ഓർത്തോഡോക്സ് ഇടവകയുടെ ഫേസ്ബുക് ലൈവിൽ കൂടിയും ഓർത്തോഡോക്സ് ടിവിയുടെ യൂട്യൂബ് ചാനലിൽ കൂടിയും കൺവൻഷൻ തത്സമയസംപ്രേക്ഷണം ഉണ്ടായിരിക്കും. കൂടുതൽ വിവരങ്ങൾക്ക് ഫാ. ജോൺസൺ പുഞ്ചക്കോണം (കൺവീനർ) 770–310-9050, മനോജ് തോമസ് (സെക്രട്ടറി): 832–633-0593,അനിൽ എബ്രഹാം (ട്രഷറർ): 346–401-1741 എന്നിവരെ ബന്ധപ്പെടാം.

ENGLISH SUMMARY: hus­ton ortho­dox con­ven­tion will be start­ed in 19

YOU MAY ALSO LIKE THIS VIDEO