Monday
26 Aug 2019

ധവാന് പരിക്ക്: ഇന്ന് സ്‌കാനിങ്ങിന് വിധേയനാകും; ഇന്ത്യ ആശങ്കയില്‍

By: Web Desk | Tuesday 11 June 2019 10:36 AM IST


ലണ്ടന്‍: ഇന്ത്യന്‍ ക്രിക്കറ്റ് താരം ശിഖര്‍ ധവാന് പരിക്ക്. താരത്തെ ഇന്ന് സ്‌കാനിങ്ങിന് വിധേയമാക്കും. ലോകകപ്പില്‍ തുടര്‍ച്ചയായ മൂന്നാം ജയം ലക്ഷ്യമിടുന്ന ഇന്ത്യന്‍ ടീമിന് ഓപ്പണര്‍ ശിഖര്‍ ധവാന്‍റെ പരിക്ക് ആശങ്കയുണ്ടാക്കുന്നു.

ഓസീസിനെതിരേ കഴിഞ്ഞ ഞായറാഴ്ച നടന്ന മത്സരത്തിലാണ് താരത്തിന്‍റെ ഇടതു കൈവിരലിന് പരിക്കേറ്റത്. നഥാന്‍ കോള്‍ട്ടര്‍ നൈലിന്‍റെ പന്ത് കൊണ്ട ധവാന്‍റെ വിരല്‍ നീരുവന്ന് വീര്‍ത്തിരുന്നു.

പന്ത് തട്ടിയ ശേഷവും ഓസീസിനെതിരേ ബാറ്റിങ് തുടര്‍ന്ന ധവാന്‍ 109 പന്തുകളില്‍ നിന്ന് 117 റണ്‍സെടുത്താണ് പുറത്തായത്. പിന്നീട്, ധവാന്‍ ഫീല്‍ഡിങ്ങിന് ഇറങ്ങിയിരുന്നില്ല. രവീന്ദ്ര ജഡേജയാണ് ധവാന് പകരം കളത്തിലിറങ്ങിയത്.

വിരലിന്റെ സ്‌കാനിങ് റിപ്പോര്‍ട്ട് വന്ന ശേഷമേ ന്യൂസിലാന്‍ഡിനെതിരേ വ്യാഴാഴ്ച നടക്കാനിരിക്കുന്ന മത്സരത്തില്‍ ധവാന്‍ കളിക്കുമോ എന്ന കാര്യം വ്യക്തമാകൂ. ധവാന്‍ കളിക്കാതിരുന്നാല്‍ ലോകേഷ് രാഹുല്‍ ഓപ്പണര്‍ സ്ഥാനത്ത് എത്തിയേക്കും. വിജയ് ശങ്കറിനോ ദിനേഷ് കാര്‍ത്തിക്കിനോ ടീമില്‍ അവസരം ലഭിക്കുകയും ചെയ്യും.

You May Also Like This:

Related News