Web Desk

ടോക്യോ

April 17, 2020, 9:16 pm

60 വര്‍ഷത്തിനിടെ ആദ്യം; ഏഷ്യന്‍ സമ്പദ്ഘടന വളര്‍ച്ച രേഖപ്പെടുത്തില്ലെന്ന് ഐഎംഎഫ്

Janayugom Online

ലോകത്തെ ഏറ്റവും സാമ്പത്തിക വളര്‍ച്ചയുള്ള ഏഷ്യ, കൊറോണ വൈറസ് പ്രതിസന്ധിയേല്‍പ്പിച്ച തിരിച്ചടി മൂലം വളർച്ച രേഖപ്പെടുത്തില്ലെന്ന് അന്താരാഷ്ട്ര നാണ്യനിധി. 60 വര്‍ഷത്തിനിടെ ആദ്യമായി വളര്‍ച്ചയില്ലാത്ത സാമ്പത്തിക വര്‍ഷമാവും 2020 എന്ന് ഐഎംഎഫ് ചൂണ്ടിക്കാട്ടുന്നു. കോവിഡ്-19 രോഗബാധ മൂലം ഭൂഖണ്ഡത്തിലെ സേവന മേഖലയും കയറ്റുമതി മേഖലയും പൂര്‍ണമായും നിശ്ചലമായിരിക്കുകയാണ്. ഇതോടെ ഏഷ്യന്‍ സാമ്പത്തിക രംഗത്തിന്റെ വളര്‍ച്ചയും നിശ്ചലമായിരിക്കുന്നു.

2020 ല്‍ 5.1 ശതമാനം വളര്‍ച്ച ഏഷ്യ കൈവരിക്കുമെന്നാണ് ഐഎംഎഫ് നേരത്തെ അനുമാനിച്ചിരുന്നത്. അതിനോട് തുലനം ചെയ്യുമ്പോള്‍ നിലവിലേത് അസാധാരണ സാമ്പത്തിക വീഴ്ചയാണെന്നും ഏഷ്യന്‍ രാജ്യങ്ങള്‍ എല്ലാവിധ നയപരമായ ഉപകരണങ്ങളും ഉപയോഗിക്കണമെന്നും ഐഎംഎഫിന്റെ ഏഷ്യ പസഫിക്ക് വകുപ്പ് ഡയറക്റ്റര്‍ ചാംഗ് യോംഗ് റീ വ്യക്തമാക്കുന്നു. മഹാമാരി മൂലം ഏറ്റവുമധികം ദുരിതമനുഭവിക്കുന്ന കുടുംബങ്ങള്‍ക്കും സ്ഥാപനങ്ങള്‍ക്കും സര്‍ക്കാരുകള്‍ സഹായങ്ങളെത്തിക്കണമെന്നും അദ്ദേഹം പറഞ്ഞു.

you may also like this vdieo;