August 9, 2022 Tuesday

Related news

August 8, 2022
August 8, 2022
August 8, 2022
August 7, 2022
August 6, 2022
August 6, 2022
August 5, 2022
August 4, 2022
August 1, 2022
August 1, 2022

അഞ്ച് തെരഞ്ഞെടുപ്പുകളിലായി ബിജെപി ഒഴുക്കിയത് 1264 കോടി

Janayugom Webdesk
ന്യൂഡൽഹി
January 16, 2020 8:45 pm

ബിജെപി ലോക്‌സഭാ തെരഞ്ഞെടുപ്പിലും നാല് നിയമസഭാ തെരഞ്ഞെടുപ്പുകളിലുമായി ഒഴുക്കിയത് 1264 കോടി രൂപയെന്ന് കണക്കുകൾ. തെരഞ്ഞെടുപ്പ് കമ്മീഷനു മുന്‍പാകെ ബിജെപി സമര്‍പ്പിച്ച എക്സ്പന്‍ഡിച്ചര്‍ സ്റ്റേറ്റ്മെന്റിലാണ് ഇതുമായി ബന്ധപ്പെട്ട വിവരങ്ങള്‍ വ്യക്തമാക്കിയത്. 2014ല്‍ ബിജെപി ചെലവിട്ട തുകയില്‍ നിന്നും 77 ശതമാനം വര്‍ധനയാണ് ഉണ്ടായിരിക്കുന്നത്. പട്ടിക തിരിച്ച് സമര്‍പ്പിച്ച രേഖയില്‍ 1078 കോടി രൂപ പാര്‍ട്ടി പ്രചാരണത്തിനും, 186.5 കോടി രൂപ മത്സരാര്‍ത്ഥികള്‍ക്കുമായി ചെലവിട്ടെന്ന് പാര്‍ട്ടി വ്യക്തമാക്കി. മത്സരാര്‍ത്ഥികളുടെ മാധ്യമ പ്രചാരണത്തിനായി 6.33 ലക്ഷം കോടി രൂപ ചെലവിട്ടു. പൊതുയോഗങ്ങള്‍ക്കും തെരഞ്ഞെടുപ്പ് ജാഥകള്‍ക്കുമായി 9.91 കോടി രൂപയാണ് ചെലവഴിച്ചത്.

ആന്ധ്രപ്രദേശ്, അരുണാചല്‍ പ്രദേശ്, ഒഡിഷ, സിക്കിം, അരുണാചല്‍ പ്രദേശ് എന്നീ സംസ്ഥാനങ്ങളുടെ തെരഞ്ഞെടുപ്പ് പ്രചാരണത്തിനായി മാത്രം 755 കോടി രൂപയാണ് ബിജെപി ചെലവാക്കിയത്. ഇതില്‍ 175.68 കോടി രൂപ ചെലവിട്ടത് സെലിബ്രിറ്റികളുടെ പ്രചാരണ പരിപാടികള്‍ക്കായാണ്. പത്ര, ദൃശ്യ മാധ്യമങ്ങളിലൂടെയുള്ള പരസ്യത്തിന് വേണ്ടിയും വന്‍ തുകയാണ് ബിജെപി ഉപയോഗിച്ചത്.

you may also like this video;

അതേസമയം ഈ തെരഞ്ഞെടുപ്പുകള്‍ക്ക് വേണ്ടി കോണ്‍ഗ്രസ് ചിലവഴിച്ചത് 82 കോടിയാണ്. 2014ല്‍ 516 കോടിരൂപയായിരുന്നു ഇവര്‍ ചിലവിട്ടിരുന്നത്. ഒറ്റവര്‍ഷം കൊണ്ട് ബജെപിയുടെ വരുമാനത്തില്‍ വന്‍ വര്‍ധവാണ് രേഖപ്പെടുത്തിയതെന്ന വിവരങ്ങൾ കഴിഞ്ഞദിവസം പുറത്തുവന്നിരുന്നു. കേന്ദ്ര തിരഞ്ഞെടുപ്പ് കമ്മിഷന് നല്‍കിയ റിപ്പോര്‍ട്ടിലാണ് ഇക്കാര്യം വെളിപ്പെടുത്തിയിട്ടുള്ളത്. 2018–2019 സാമ്പത്തിക വര്‍ഷത്തില്‍ ബിജെപിയുടെ ആകെ വരുമാനം 2,410 കോടി രൂപയായി ഉയര്‍ന്നുവെന്നാണ് റിപ്പോര്‍ട്ട്. ഏകദേശം 137 ശതമാനം വര്‍ധനവാണ് ബിജെപിയുടെ വരുമാനത്തില്‍ രേഖപ്പെടുത്തിയത്.

2017–2018 സാമ്പത്തിക വര്‍ഷത്തില്‍ ബിജെപിയുടെ ആകെ വരുമാനം 1027 കോടി രൂപയായിരുന്നു രേഖപ്പെടുത്തിയത്. 2017–2018 സാമ്പത്തിക വര്‍ഷത്തില്‍ ഇലക്ടറല്‍ ബോണ്ട് വഴി ലഭിച്ചത് 210 കോടി രൂപയായിരുന്നു. കഴിഞ്ഞ സാമ്പത്തിക വര്‍ഷത്തെ അപേക്ഷിച്ച് കോണ്‍ഗ്രസിന്റെ വരുമാനത്തില്‍ 360.97 ശതമാനം വര്‍ധനവുണ്ടായിട്ടുണ്ട്. തൃണമൂല്‍ കോണ്‍ഗ്രസിന് ഇക്കാലയളവില്‍ 192.65 കോടി രൂപ യും സി പി എമ്മിന് 110.96 കോടിയും വരുമാനമായി ലഭിച്ചു.

Eng­lish Summary:In five elec­tions, BJP has expend­ed Rs 1264 crore.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.