August 12, 2022 Friday

ഇന്ത്യ ഇന്റര്‍നാഷണല്‍ സീഫുഡ് ഷോ കൊച്ചിയില്‍

ആര്‍ ഗോപകുമാര്‍
കൊച്ചി
February 4, 2020 4:57 pm

പന്ത്രണ്ട് വര്‍ഷത്തെ ഇടവേളയ്ക്കു ശേഷം ഏഷ്യയിലെ ഏറ്റവും വലിയ സമുദ്രോത്പന്ന പ്രദര്‍ശനങ്ങളിലൊന്നായ ഇന്ത്യ ഇന്റര്‍നാഷണല്‍ സീഫുഡ് ഷോ കൊച്ചിയില്‍ നടക്കും. സമുദ്രോത്പന്ന കയറ്റുമതി വികസന അതോറിറ്റിയും (എംപിഇഡിഎ) സീഫുഡ് എക്‌സ്‌പോര്‍ട്ടേഴ്‌സ് അസോസിയേഷന്‍ ഓഫ് ഇന്ത്യയും സംയുക്തമായി സംഘടിപ്പിക്കുന്ന ഇന്ത്യ ഇന്റര്‍നാഷണല്‍ സീ ഫുഡ് ഷോയുടെ 22ാമത് ലക്കം ഫെബ്രുവരി 7,8,9 തിയതികളില്‍ കൊച്ചി ഗ്രാന്‍ഡ് ഹയാട്ട് ഹോട്ടലിലെ ലുലു ബോള്‍ഗാട്ടി ഇന്റര്‍നാഷണല്‍ കണ്‍വെന്‍ഷന്‍ സെന്ററില്‍ നടക്കും.

ഫെബ്രുവരി 7ന് ഗവര്‍ണര്‍ ആരിഫ് മുഹമ്മദ് ഖാന്‍ സീ ഫുഡ് ഷോ ഉദ്ഘാടനം ചെയ്യും. കേന്ദ്ര വാണിജ്യ മന്ത്രി പീയൂഷ് ഗോയല്‍ 8ാം തീയതി പരിപാടിയില്‍ സംബന്ധിച്ച വിവിധ മേഖലകള്‍ക്കുള്ള പുരസ്‌കാരങ്ങള്‍ വിതരണം ചെയ്യും. രണ്ട് കൊല്ലത്തിലൊരിക്കല്‍ നടക്കുന്ന ഷോ ലോകത്തെ തന്നെ സമുദ്രോത്പന്നമേഖലയിലെ സുപ്രധാന സമ്മേളനമാണ്. രാജ്യത്ത സമുദ്രോത്പന്ന മേഖല പിന്തുടര്‍ന്നു വരുന്ന സുസ്ഥിര സമ്പ്രദായങ്ങളെ ഈ പ്രദര്‍ശനം ഉയര്‍ത്തിക്കാട്ടും.

സമുദ്രോത്പന്ന കയറ്റുമതിക്കാര്‍ക്കും ഇറക്കുമതിക്കാര്‍ക്കും ആശയവിനിമയത്തിനും ഉത്പന്ന പ്രദര്‍ശനത്തിനുമുള്ള അവസരമാണിത്. സമുദ്രോത്പന്ന സംസ്‌കരണ ഉപകരണങ്ങള്‍, പാക്കിംഗ് സംവിധാനങ്ങള്‍, ശീതീകരണ ശൃംഖലകള്‍ എന്നിവയുടെ പ്രദര്‍ശനത്തിനുപുറമെ സേവനദാതാക്കള്‍, ലോജിസ്റ്റിക്‌സ്, സര്‍ട്ടിഫൈയിംഗ്, ടെസ്റ്റിംഗ് മേഖലകള്‍ തുടങ്ങിയവയുടെ പങ്കാളിത്തവുമുണ്ടാവും.

Eng­lish Summary:India inter­na­tion­al seafood show

YOU MAY ALSO LIKE THIS VIDEO 

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.