വിശാഖപട്ടണം: വെസ്റ്റ് ഇന്‍ഡീസിനെതിരായ രണ്ടാം ഏകദിനത്തില്‍ ഓപ്പണറന്മാരായ രോഹിത് ശര്‍മയ്ക്കും കെ എല്‍ രാഹുലിനും സെഞ്ചുറി. 107 പന്തില്‍ 11 ഫോറും രണ്ടു സിക്‌സും സഹിതം രോഹിത് സെഞ്ചുറി കുറച്ചപ്പോള്‍ രാഹുല്‍ 102 പന്തില്‍ നിന്ന് എട്ട് ഫോറും മൂന്ന് സിക്‌സുമുള്‍പ്പെടെ സെഞ്ചുറിയിലെത്തിയത്.
ഇന്ത്യയ്ക്ക് നിര്‍ണായകമായിരുന്ന മത്സരത്തിന്റെ തുടക്കം മുതല്‍ തന്നെ കരുതലോടെയാണ് ഇരുവരും ബാറ്റ് വീശിയത്. ഒടുവില്‍ വിവരം ലഭിക്കുമ്പോള്‍ 37 ഓവറില്‍ ഒരു വിക്കറ്റിന് 227 എന്ന നിലയിലാണ് ഇന്ത്യ. 102 റണ്‍സ് നേടിയ രാഹുലിനെ അല്‍സാരി ജോസഫാണ് പുറത്താക്കിയത്.
