Web Desk

March 20, 2020, 3:40 pm

ഫുഡ്ബൾ ഇതിഹാസം പി കെ ബാനർജി അന്തരിച്ചു

Janayugom Online

ഇന്ത്യന്‍ ഫുട്ബോളിലെ ഇതിഹാസതാരം പി.​കെ. ബാ​ന​ര്‍​ജി(83) വിടവാങ്ങി. ശ്വാ​സ​കോ​ശ​ത്തി​ലെ അ​ണു​ബാ​ധ​യെ തു​ട​ര്‍​ന്നാ​ണ് അന്തരിച്ചത്. ഫെ​ബ്രു​വ​രി ആ​റു മു​ത​ല്‍ കൊല്‍ക്കത്തയിലെ ആ​ശു​പ​ത്രി​യി​ല്‍ ക​ഴി​യു​ക​യാ​യി​രുന്നു. വെന്റിലേറ്ററിന്റഎ സഹായത്തോടെയാണ് ഇത്രയും നാൾ ജീവൻ നിലനിർത്തിയത്. 1936 ജൂണ്‍ 23ന് ബംഗാളിലെ ജല്‍പായ്ഗുരിയുടെ പ്രാന്തപ്രദേശമായ മൊയ്നാപുരിയിലാണ് ബാനര്‍ജി ജനിച്ചത്. കുടുംബം പിന്നീട് ജംഷഡ്പൂരിലേക്ക് താമസം മാറ്റി. 1962 ല്‍ ഏഷ്യന്‍ ഗെയിംസ് സ്വര്‍ണമെഡല്‍ നേടിയ ഇന്ത്യന്‍ ഫുട്‌ബോള്‍ ടീമില്‍ അംഗമായിരുന്നു.

ഇ​ന്ത്യ​ന്‍ ദേ​ശീ​യ ടീ​മിനായി 84 മ​ല്‍​സ​ര​ങ്ങ​ളി​ല്‍ ബൂ​ട്ട​ണി​ഞ്ഞു, കളത്തില്‍ ഇറങ്ങിയ ബാ​ന​ര്‍​ജി 65 രാ​ജ്യ​ന്ത​ര​ഗോ​ളു​കള്‍ സ്വന്തമാക്കിയിട്ടുണ്ട്. 1956 മെ​ല്‍​ബ​ണ്‍ ഒ​ളിം​പി​ക്സി​ല്‍ നാ​ലാം സ്ഥാ​ന​ത്തെ​ത്തി​യ ടീ​മി​ല്‍ അം​ഗ​മാ​യി​രു​ന്നു. 1960 റോം ​ഒ​ളിം​പി​ക്സി​ല്‍ ടീ​മി​ന്‍റെ ക്യാ​പ്റ്റ​ന്‍ പദവി വഹിച്ചു. ഫ്രാ​ന്‍​സ് ടീ​മി​നെ​തി​രേ ഇ​ന്ത്യ​യു​ടെ സ​മ​നി​ല ഗോ​ള്‍ നേ​ടി​യ​തും ബാ​ന​ര്‍​ജിയായിരുന്നു. 1962‑ലെ ​ഏ​ഷ്യ​ന്‍ ഗെ​യിം​സ് ഫു​ട്‌​ബോ​ള്‍ ഫൈ​ന​ലി​ല്‍ ദ​ക്ഷി​ണ കൊ​റി​യ​ക്കെ​തി​രേ ഇ​ന്ത്യ 2–1ന് ​ജ​യി​ച്ച മ​ത്സ​ര​ത്തി​ല്‍ ടീ​മി​നാ​യി പ​തി​നേ​ഴാം മി​നി​റ്റി​ല്‍ ഗോ​ള്‍ സ്വന്തമാക്കിയിരുന്നു. . 1956‑ലെ ​മെ​ല്‍​ബ​ണ്‍ ഒ​ളി​മ്ബി​ക്‌​സി​ല്‍ ഇ​ന്ത്യ​യ്ക്കാ​യി പോരാടി,ക്വാ​ര്‍​ട്ട​ര്‍ ഫൈ​ന​ലി​ല്‍ ഓ​സീ​സി​നെ ര​ണ്ടി​നെ​തി​രെ നാ​ലു ഗോ​ളു​ക​ള്‍​ക്ക് തോ​ല്‍​പ്പി​ച്ച ക​ളി​യി​ലെ മുഖ്യ പങ്ക് ബാനര്‍ജിക്കായിരുന്നു. ഇരുപതാം നൂറ്റാണ്ടിലെ ഏറ്റവും മികച്ച ഇന്ത്യന്‍ താരമായി ബാനര്‍ജിയെ ഫിഫ തിരഞ്ഞെടുത്തിരുന്നു. പോള, പൂര്‍ണ എന്നിവരാണ് മക്കൾ.

Eng­lish Sum­ma­ry: Indi­an foot­ball leg­end pk banargee dies

You may also like this video