ഇന്ത്യ തദ്ദേശീയമായി നിർമ്മിച്ച ആദ്യ വിമാനവാഹിനി ഐഎൻ എസ് വിക്രാന്ത് സെപ്റ്റംബർ രണ്ടിന് നാടിന് സമർപ്പിക്കും. ദക്ഷിണ നാവിക സേന ആസ്ഥാനത്തായിരിക്കും ചടങ്ങുകൾ. പ്രധാനമന്ത്രി നരേന്ദ്ര മോഡി വിമാനവാഹിനി നാടിനു സമർപ്പിക്കുമെന്നാണ് കരുതുന്നത്.
ഐഎൻഎസ് വിക്രാന്ത് കൊച്ചി കപ്പൽശാല ഇന്ത്യൻ നാവിക സേനയ്ക്ക് ദിവസങ്ങൾക്ക് മുൻപ് കൈമാറിയിരുന്നു. കഴിഞ്ഞ നാല് സമുദ്രപരീക്ഷണങ്ങളും വിമാനവാഹിനി വിജയകരമായി പൂർത്തിയാക്കിയിരുന്നു. കപ്പൽ കമ്മിഷൻ ചെയ്തു കഴിഞ്ഞ ശേഷമാകും യുദ്ധവിമാനങ്ങൾ ലാൻഡ് ചെയ്തും പറന്നുയർന്നുമുള്ള പരീക്ഷണങ്ങൾ നടക്കുക.
കപ്പലിന്റെ പരമാവധി വേഗം 28 നോട്ടിക്കൽ മൈൽ ആണ്. 62 മീറ്റർ വീതിയും മുകൾത്തട്ടിൽ 262 മീറ്റർ നീളവുമുണ്ട്. ആകെ വിസ്തൃതി 1,74,580 ചതുരശ്ര അടിയാണ്. നിലവിൽ ഇൻഡിജിനസ് എയർക്രാഫ്റ്റ് കാരിയർ (ഐഎസി1) എന്നറിയപ്പെടുന്ന വിമാനവാഹിനി കമ്മിഷൻ ചെയ്യുന്നതോടെ ഐഎൻഎസ് വിക്രാന്ത് എന്ന പേരിലേക്ക് മാറും.
English Summary: INS Vikrant will be handed over to the nation on September 2
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.