August 9, 2022 Tuesday

Related news

June 10, 2022
May 30, 2022
May 30, 2022
May 29, 2022
May 29, 2022
May 27, 2022
May 24, 2022
May 22, 2022
May 22, 2022
May 22, 2022

ഐപിഎൽ താരലേലം ഇന്ന് : പ്രതീക്ഷയോടെ അഞ്ച് കേരള താരങ്ങളും

Janayugom Webdesk
December 19, 2019 10:05 am

കൊല്‍ക്കത്ത: ഐപിഎൽ സീസണിന് മുന്നോടിയായുള്ള താരലേലം ഉച്ചകഴിഞ്ഞ് 3.30ന് കൊൽക്കത്തയിൽ. 186 ‌ഇന്ത്യൻ കളിക്കാരുൾപ്പെടെ ആകെ 332 താരങ്ങളാണ്‌ ലേലത്തിലുള്ളത്‌. 73 പേർക്ക്‌ അവസരം ലഭിക്കും. കളിക്കാരുടെ ഏറ്റവും കുറഞ്ഞ അടിസ്ഥാനവില 20 ലക്ഷമാണ്‌. കൂടിയ തുക രണ്ടുകോടിയും. ഓസ്‌ട്രേലിയൻ താരങ്ങളായ ഗ്ലെൻ മാക്‌സ്‌വെൽ, പാറ്റ്‌ കമ്മിൻസ്‌, ജോഷ്‌ ഹാസെൽവുഡ്‌, ക്രിസ്‌ ലിൻ, മിച്ചെൽ മാർഷ്‌ എന്നിവരും ദക്ഷിണാഫ്രിക്കൻ പേസർ ഡെയ്‌ൽ സ്‌റ്റെയ്‌നും ശ്രീലങ്കയുടെ ഏഞ്ചലോ മാത്യൂസും ഉൾപ്പെടെ ഏഴു പേർക്കാണ്‌ രണ്ടുകോടി രൂപ.

ഇന്ത്യയിൽനിന്ന്‌ കേരളത്തിനായി കളിക്കുന്ന റോബിൻ ഉത്തപ്പയ്‌ക്കാണ്‌ കൂടിയ വില. 1.5 കോടി. 25 കളിക്കാരാണ്‌ ഒരു ടീമിന്റെ അംഗസഖ്യ. പ്രമുഖ താരങ്ങളെയെല്ലാം ടീമുകൾ നിലനിർത്തിയിട്ടുണ്ട്‌. ചെറിയ ഒഴിവുകളിലേക്കാണ്‌ ഈ ലേലം. വിരാട്‌ കോഹ്‌ലിയുടെ ബാംഗ്ലൂർ റോയൽ ചലഞ്ചേഴ്‌സിനാണ്‌ (12) ഏറ്റവും കൂടുതൽ കളിക്കാരെ വിളിച്ചെടുക്കാൻ അവസരം. കുറവ്‌ മഹേന്ദ്രസിങ്‌ ധോണിയുടെ ചെന്നൈ സൂപ്പർ കിങ്സിനും (5).

you may also like this video

റോബിന്‍ ഉത്തപ്പ, ജലജ് സക്‌സേന, സച്ചിന്‍ ബേബി, വിഷ്‌ണു വിനോദ്, മിധുന്‍ എസ് എന്നീ അഞ്ച് കേരള താരങ്ങളും ലേലപ്പട്ടികയിൽ ഉണ്ട്. റോബിന്‍ ഉത്തപ്പ, വിഷ്‌ണു വിനോദ്, ജലജ് സക്‌സേന എന്നിവരുടെ സാധ്യതകള്‍ ശക്തമാണ്. സച്ചിന്‍ ബേബിയുടെ പേരും ഉയര്‍ന്നുവരാന്‍ സാധ്യതയുണ്ട്. മിഥുന്‍ എസ് കഴിഞ്ഞ വര്‍ഷം രാജസ്ഥാന്‍ റോയല്‍സില്‍ കളിച്ച താരമാണ്. സഞ്ജു സാംസൺ അടക്കം ഏഴ് മലയാളി താരങ്ങളെ വിവിധ ടീമുകള്‍ നേരത്തേ നിലനിര്‍ത്തിയിരുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.