Web Desk

ബാഗ്ദാദ്

January 14, 2020, 5:03 pm

യുക്രൈന്‍ വിമാനം തകര്‍ത്ത സംഭവം: ഉത്തരവാദികളെ അറസ്റ്റ് ചെയ്‌തെന്ന് ഇറാന്‍

Janayugom Online

യുക്രൈന്‍ വിമാനം ആക്രമിച്ച സംഭവത്തില്‍ ഉത്തരവാദികളുടെ അറസ്റ്റ് സ്ഥിരീകരിച്ചതായി ഇറാന്റെ വെളിപ്പെടുത്തല്‍. ആക്രമണവുമായി ബന്ധപ്പെട്ട് 30 ഓളം പേരെ അറസ്റ്റ് ചെയ്തതായി ഇറാന്‍ ഔദ്യോഗികമായി അറിയിച്ചു.

ഇറാനിലെ നീതിന്യായ വിഭാഗമാണ്​ അറസ്​റ്റ്​ വിവരം പുറത്തു വിട്ടത്​. എന്നാല്‍ അറസ്റ്റിലായവരുടെ വിശദാംശങ്ങള്‍ പുറത്ത് വിട്ടിട്ടില്ല.

വിമാനം തകര്‍ത്ത സംഭവം അന്വേഷിക്കാന്‍ പ്രത്യേക കോടതി രൂപീകരിക്കുമെന്ന് ഇറാന്‍ പ്രസിഡന്റ് ഹസ്സന്‍ റുഹാനി പ്രഖ്യാപിച്ചതിന് പിന്നാലെയായിരുന്നു ആക്രമിച്ചവരെ അറസ്റ്റ് ചെയ്‌തെന്ന റിപ്പോര്‍ട്ട് വന്നത്.

ബുധനാഴ്​ചയാണ്​ തെഹ്​റാനില്‍ നിന്ന്​ കീവിലേക്ക്​ 176 പേരുമായി തിരിച്ച ജെറ്റ്​ വിമാനത്തെ യുദ്ധവിമാനമാണെന്ന്​ കരുതി ഇറാന്‍ സൈന്യം വെടിവെച്ചിട്ടത്​. സാങ്കേതിക തകരാര്‍മൂലമാണ് വിമാനം തകര്‍ന്നതെന്നായിരുന്നു ഇറാന്റെ ആദ്യ വിശദീകരണം. എന്നാല്‍ പിന്നീടാണ് വിമാനം അബദ്ധത്തില്‍ വെടിവച്ചിട്ടതാണെന്ന് ഇറാന്‍ സമ്മതിച്ചത്.