രാജ്യത്ത് കൊറോണ പടർന്നു പിടിക്കുന്ന സാഹചര്യത്തിൽ ഇന്ത്യൻ സൂപ്പർ ലീഗ് ഫൈനലും അടച്ചിട്ട സ്റ്റേഡിയത്തിൽ. ശനിയാഴ്ച വൈകിട്ട് 7.30 ന് ഗോവയിലാണ് ആദ്യ മത്സരം. ചെന്നൈയിൻ എഫ്‌സിയും എടികെയും തമ്മിലാണ് മത്സരം. കേന്ദ്ര കായിക മന്ത്രാലയത്തിന്റെ നിർദേശത്തെ തുടർന്നാണ് അടച്ചിട്ട സ്റ്റേഡിയത്തിൽ മത്സരം നടത്താൻ തീരുമാനിച്ചത്.

ഇന്ത്യ- ദക്ഷിണാഫ്രിക്ക ഏകദിന പരമ്പരയിലെ അവസാന രണ്ട് മത്സരങ്ങളിലും കാണികളെ പ്രവേശിപ്പിക്കേണ്ടെന്ന് ബിസിസിഐ തീരുമാനിച്ചിട്ടുണ്ട്. ഈ മാസം 15 ന് ലക്‌നൗവിലും 18 ന് കൊൽക്കത്തയിലുമാണ് രണ്ടും മൂന്നും ഏകദിനങ്ങൾ. ഇന്നലെ ധർമ്മശാലയിൽ നടക്കേണ്ടിയിരുന്ന ആദ്യ മത്സരം മഴമൂലം ഉപേക്ഷിച്ചിരുന്നു.

ഐ പി എൽ മത്സരങ്ങളും അടച്ചിട്ട സ്റ്റേഡിയത്തിൽ നടത്താനാണ് തീരുമാനം. ഇക്കാര്യത്തിൽ ശനിയാഴ്ച നടക്കുന്ന ഐപിഎൽ ഭരണസമിതി തീരുമാനമെടുക്കും. ഐപിഎല്ലിൽ വിദേശതാരങ്ങൾ കളിക്കുന്ന കാര്യവും അനിശ്ചിതത്വത്തിലാണ്.

ENGLISH SUMMARY: ISL final in closed stadium

YOU MAY ALSO LIKE THIS VIDEO