കേരള കോൺഗ്രസിനെതിരായ പരാമർശങ്ങൾ മാധ്യമ സൃഷ്‍ടി : കാനം രാജേന്ദ്രൻ

കേരള കോൺഗ്രസിനെതിരായ സിപിഐയുടെ പരാമർശങ്ങൾ എന്ന തരത്തിൽ പ്രചരിക്കുന്നത് മാധ്യമ സൃഷ്ട്ടിയാണെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ പറഞ്ഞു . സിപിഐയും സിപിഐഎമ്മും തിരഞ്ഞെടുപ്പ് വിജയ, പരാജയങ്ങൾ വിലയിരുത്താറുണ്ട് . അഭിപ്രായങ്ങൾ പറയാറുമുണ്ട് . കേരള കോൺഗ്രസിന് ജനകീയ അടിത്തറയില്ലെന്ന് പറഞ്ഞിട്ടില്ല . എൽ ഡി എഫിലെ ഘടക കക്ഷി എന്ന നിലയിൽ പരിണഗണന മാത്രമല്ല ബഹുമാനവും എല്ലാ കക്ഷികളും അവർക്ക് കൊടുക്കാറുണ്ട് . 

എൽ ഡി എഫിലെ രണ്ടാമത്തെ കക്ഷിയെ ചൊല്ലിയുള്ള വിവാദം ഉയർത്തുന്നവർ കണക്കിനെ പറ്റി പ്രാഥമിക ബോധം ഇല്ലാത്തവരാണ് . സിപിഐക്ക് 17 ഉം കേരളാകോൺഗ്രസിന് 5ഉം എം എൽ എ മാരുമാണുള്ളത് . പിന്നെ എങ്ങനെയാണ് രണ്ടാം സ്ഥാനം അവർക്ക് കിട്ടുന്നത് . കേരളത്തിലെ കോൺഗ്രസ്സ് തകർച്ചയുടെ വക്കിലാണ് .തകർന്നു കൊണ്ടിരിക്കുന്ന കോൺഗ്രസ്സിൽ നിന്ന് നേരത്തെ രക്ഷപ്പെടാനാണ് പലരും ശ്രമിക്കുന്നതെന്നും കാനം പറഞ്ഞു . ആലപ്പുഴയിൽ മാധ്യമ പ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു കാനം .
eng­lish summary;It is the work of the media to prop­a­gate the CPI’s remarks against the Ker­ala Con­gress ;Kanam Rajendran
you may also­like this video;

സൃഷ്‍ടി