ജയിംസ് ബോണ്ട് ചിത്രത്തിലെ നായികയ്ക്ക് കൊവിഡ്-19 സ്ഥിരീകരിച്ചു. ഓൾഗ കുരിലെങ്കോയ്ക്കാണു രോഗം സ്ഥിരീകരിച്ചിരിക്കുന്നത്. തന്റെ ഇൻസ്റ്റഗ്രാം അക്കൗണ്ടിലൂടെ താരം തന്നെയാണ് ഇക്കാര്യം അറിയിച്ചിരിക്കുന്നത്.
2008 ലെ ജയിംസ് ബോണ്ട് സീരീസിലെ ക്വോണ്ടം ഓഫ് സൊലാസ് എന്ന ചിത്രത്തിലൂടെയാണ് നടി ശ്രദ്ധിക്കപ്പെടുന്നത്. ‘കൊറോണ വൈറസ് പോസിറ്റീവായതിനെ തുടർന്ന് മുറിയിൽ അടച്ചിരിക്കുകയാണ്. ഒരാഴ്ചയായി എനിക്ക് സുഖമില്ലായിരുന്നു. പനിയും ക്ഷീണവുമായിരുന്നു രോഗ ലക്ഷണങ്ങൾ. നിങ്ങളും ശ്രദ്ധിക്കുക. സ്ഥിതിഗതികളെ ഗൗരവമായി കാണുക, ’ നടി ഇൻസ്റ്റഗ്രാമിൽ കുറിച്ചു.
കൊവിഡ്-19 മൂലം ലോകത്താകമാനം ഇതുവരെ മരിച്ചവരുടെ എണ്ണം 7965 ആയി. 1,98,178 പേര്‍ കൊറോണ വൈറസ് ബാധയെ തുടര്‍ന്ന് വിവിധ രാജ്യങ്ങളിലായി ചികിത്സയിലുണ്ട്. യൂറോപ്പിലാണ് കോവിഡ്-19 രൂക്ഷമായിരിക്കുന്നത്. ഇറ്റലി, സ്പെയിൻ എന്നീ രാജ്യങ്ങളിൽ കോവിഡ് 19 ശക്തമാണ്. ചൈന, ഇറ്റലി, ഇറാൻ, ദക്ഷിണകൊറിയ എന്നീ രാജ്യങ്ങൾ കഴിഞ്ഞാൽ ഏറ്റവും കൂടുതൽ കോവിഡ് റിപ്പോർട്ട് ചെയ്തത് സ്പെയിനിലാണ്.
English Summary; James Bond actress Olga Kurylenko tests positive for Corona virus
YOU MAY ALSO LIKE THIS VIDEO
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.