Web Desk

January 05, 2020, 5:51 pm

ജാമിയ മിലിയ പ്രതിഷേധം; പൊലീസ് വെടിയുതിർത്തതായി വെളിപ്പെടുത്തൽ

Janayugom Online

ന്യൂഡൽഹി: പൗരത്വ നിയമ ഭേദഗതികതിരേ ജനുവരി 15 ന് ജാമിയ മിലിയ സർവകലാശാലയിലെ വിദ്യാർത്ഥികൾ നടത്തിയ പ്രതിഷേധത്തിനിടയിൽ പൊലീസ് വെടിയുതിർത്തതായി വെളിപ്പെടുത്തൽ. ദേശിയ മാധ്യമത്തോട് പേരു വെളിപ്പെടുത്താതെ പൊലീസ് ഉദ്യോഗസ്ഥനാണ് പുതിയ വെളിപ്പെടുത്തൽ നടത്തിയത്. പ്രതിഷേധത്തിൽ പൊലീസ് വെടിയുതിർത്തിയിട്ടില്ലെന്നായിരുന്നു തുടക്കത്തിൽ പൊലീസ് അധികൃതർ അവകാശപ്പെട്ടത്.

സാമൂഹിക മാധ്യമങ്ങളിൽ പൊലീസ് ഉദ്യോഗസ്ഥർ കൈയിൽ തോക്കുമായി നിൽക്കുന്ന വീഡിയോ പ്രചരിച്ചിരുന്നു. വിശദമായ അന്വേഷണം ഇതു സംബന്ധിച്ച് നടത്തിയെന്നും മഥുര റോജിൽ നിന്ന് പകർത്തിയ വീഡിയോയാണിതെന്നും ഡൽഹി പൊലീസ് സ്ഥിരികരിച്ചു. പോലീസ് ഉദ്യോഗസ്ഥന്‍ ആത്മരക്ഷാര്‍ഥം ആകാശത്തേക്ക് വെടിയുതിര്‍ക്കുകയായിരുന്നു.

ഡിസംബര്‍ പതിനഞ്ചിനുണ്ടായ പ്രതിഷേധം പോലീസും വിദ്യാര്‍ഥികളും തമ്മിലുള്ള ഏറ്റുമുട്ടലില്‍ കലാശിച്ചതോടെ നിരവധി വിദ്യാര്‍ഥികള്‍ക്കും പോലീസ് ഉദ്യോഗസ്ഥര്‍ക്കും പരിക്കേറ്റിരുന്നു. പ്രക്ഷോഭത്തില്‍ സ്വകാര്യ വാഹനങ്ങളുള്‍പ്പടെ നിരവധി വാഹങ്ങള്‍ അഗ്നിക്കിരയായിരുന്നു. പോലീസിന് നേരെ പ്രതിഷേധക്കാര്‍ കല്ലേറ് നടത്തിയതോടെ പോലീസ് കണ്ണീര്‍ വാതകം പ്രയോഗിച്ചിരുന്നു.

Eng­lish sum­ma­ry: Jamia Mil­ia protests; Dis­clo­sure of police firing

‘you may also like this video’