Web Desk

December 17, 2019, 11:53 am

ജാമിയ മിലിയ: വിദ്യാർഥിക്ക് വെടിയേറ്റെന്ന് മെഡിക്കൽ റിപ്പോർട്ട്, പൊലീസ് വെടിവച്ചിട്ടില്ലെന്ന് ആഭ്യന്തരമന്ത്രാലയം, പത്ത് പേര്‍ അറസ്റ്റിൽ

Janayugom Online

ന്യൂഡൽഹി: ജാമിയ മിലിയ സർവകലാശാല വിദ്യാർഥികൾ നടത്തിയ പ്രതിഷേധത്തിനിടെ വിദ്യാർഥിക്ക് വെടിയേറ്റെന്ന് മെഡിക്കൽ റിപ്പോർട്ട്. രണ്ട് വിദ്യാർഥികൾക്ക് വെടിയേറ്റെന്ന് ആരോപണമുയർന്നെങ്കിലും പൊലീസ് വെടിവയ്പ് നടത്തിയിട്ടില്ലെന്നായിരുന്നു ആഭ്യന്തരമന്ത്രാലയത്തിന്റെ വിശദീകരണം. അതേസമയം റബ്ബർ ബുള്ളറ്റ് ഉപയോഗിച്ചതായി ഡൽഹി പൊലീസ് വെളിപ്പെടുത്തി.

പൗരത്വ ഭേദഗതി നിയമത്തിനെതിരെ ജാമിയ മിലിയയിലെ വിദ്യാർഥികൾ നടത്തിയ പ്രതിഷേധത്തിൽ ഇതുവരെ പത്ത് പേരെയാണ് അറസ്റ്റ് ചെയ്തിട്ടുള്ളത്. അറസ്റ്റ് ചെയ്യപ്പെട്ടവർ വിദ്യാർഥികളല്ലെന്നാണ് ഔദ്യോഗിക വിശദീകരണം.

ഞായറാഴ്ച ജാമിയ മിലിയയിലെ വിദ്യാർഥികൾ നടത്തിയ പ്രതിഷേധം വൻസംഘർഷമായി മാറുകയായിരുന്നു.