July 3, 2022 Sunday

Latest News

July 3, 2022
July 3, 2022
July 3, 2022
July 3, 2022
July 3, 2022
July 3, 2022
July 3, 2022
July 3, 2022
July 3, 2022
July 3, 2022

തറവാട്

കെ വത്സല
June 19, 2022

മകളുടെ വീട്ടിലിരുന്ന്
ഇന്നലെയുടെ ഓർമ്മകളോടൊപ്പം
സഞ്ചരിച്ചൊരമ്മയോട്
തറവാട്ടിൽ പൂന്തോട്ടത്തിനു
സൂര്യൻ തീകൊടുത്തതും
അധിനിവേശികളായ അന്തേവാസികൾ
ചേക്കേറിയതും കാറ്റുവന്ന്
മെല്ലെ കാതിൽപറഞ്ഞു
അച്ഛനുറങ്ങിയ കട്ടിലിൽ
ചിതലുറങ്ങുന്നതിനും
അടുക്കള എലികൾ പ്രസവമുറിയാക്കുന്നതിനും
വാടകയൊന്നും തരുന്നില്ലല്ലോ?
എന്ന കാറ്റിന്റെ ന്യായമായ ചോദ്യമാണമ്മയെ
ഇരുത്തി ചിന്തിപ്പിച്ചത്!
ചാട്ടുളിപോലെ ചിന്തയ്ക്ക് മൂർച്ചകൂടിയപ്പോളാണ്
മകളുപോലുമറിയാതെ,
കൂടെവന്ന ഉടുതുണികളെ കൂട്ടുപിടിച്ചമ്മ, പോകാൻ
തയ്യാറെടുപ്പ് നടത്തിയത്.
ആരോടും മിണ്ടാതെ പടിയിറങ്ങിയതും
അമ്മേ.… ന്നൊരു വിളി
പിന്നാലെ കുതിച്ചെത്തിയതുമൊരുമിച്ചായിരുന്നു
തലകറങ്ങിയാൽ താങ്ങാരെന്ന്
ഉത്തരവാദിത്തത്തെ
സാക്ഷിയാക്കി
മകൾ ചോദിച്ചപ്പോൾ,
അമ്മ യാത്രയോടൊപ്പം
കരാറൊപ്പിട്ടതാകാം
വീട്ടിലെ കോണിപ്പടികൾ
എതിർപ്പില്ലാതെ
അമ്മയെ
കൈപിടിച്ചിറക്കിയത്.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.