Web Desk

December 24, 2019, 10:37 am

ജാർഖണ്ഡ് തെരഞ്ഞെടുപ്പ്; സർക്കാർ രൂപീകരണത്തിന് അവകാശവാദം ഉന്നയിച്ച് ഹേമന്ത് സോറൻ

Janayugom Online

റാഞ്ചി: ജാർഖണ്ഡ് തെരഞ്ഞെടുപ്പിൽ വൻ വിജയം കൈവരിച്ച മഹാസഖ്യം സർക്കാർ രൂപീകരണത്തിനായുള്ള നീക്കങ്ങൾ ആരംഭിച്ചു. സർക്കാർ രൂപീകരണത്തിന് അവകാശവാദം ഉന്നയിച്ച് ഹേമന്ത് സോറന്റെ നേത്രത്വത്തിൽ ഇന്ന് ഗവർണറെ കാണും. ഇന്ന് തന്നെ സർക്കാർ രൂപീകരണത്തിനായുള്ള നടപടികളിലേക്ക് സഖ്യകക്ഷികൾ നീങ്ങുമെന്നാണ് റിപ്പോർട്ടുകൾ. ജെ എം എം — കോൺഗ്രസ് ‑ആർ ജെ ഡി സഖ്യത്തിന് 47 സീറ്റുകളാണ് നിയമസഭാ തെരഞ്ഞെടുപ്പിൽ ലഭിച്ചിരിക്കുന്നത്.

നിയമസഭ തെരഞ്ഞെടുപ്പിലെ തോൽവിയെ തുടർന്ന് ബിജെപി മുഖ്യമന്ത്രി രഘുബർ ദാസ് രാജിവച്ചു. അടുത്ത സർക്കാർ രൂപീകരികരിക്കും വരെ കാവൽ മുഖ്യമന്ത്രി സ്ഥാനത്ത് തുടരാൻ ഗവർണർ രഘുബർ ദാസിനോട് ആവശ്യപ്പെട്ടു. ജെ എം എമ്മിന്റെ നിയമസഭ കക്ഷി യോഗം ഇന്ന് റാഞ്ചിയിൽ ചേരും. പാർലമെന്ററി കക്ഷി നേതാവായി ഹേമന്ത് സോറനെ തെരഞ്ഞെടുക്കും. തുടർന്നായിരിക്കും ഗവർണറെ കണ്ട് സർക്കാർ രൂപീകരണത്തിനുള്ള അവകാശവാദം ഉന്നയിക്കുന്നത്.

‘you may also like this video’