രാജ്യത്ത് ഏറ്റവുമധികം ശൈശവ വിവാഹം ഝാര്‍ഖണ്ഡില്‍. കേന്ദ്ര ആഭ്യന്തര മന്ത്രാലയത്തിന്റെ ഏറ്റവും പുതിയ ‘ഡെമോഗ്രാഫിക് സാമ്പിള്‍’ സര്‍വേയിലാണ് കണ്ടെത്തല്‍. ആഭ്യന്തര മന്ത്രാലയത്തിലെ രജിസ്ട്രാര്‍ ജനറലിന്റെയും സെന്‍സസ് കമ്മിഷണറുടെയും ഓഫീസ് നടത്തിയ സര്‍വേ പ്രകാരം പ്രായപൂര്‍ത്തിയാകുന്നതിന് മുമ്പ് വിവാഹിതരാകുന്ന പെണ്‍കുട്ടികളുടെ ശതമാനം ഝാര്‍ഖണ്ഡില്‍ 5.8 ആണ്. സംസ്ഥാനത്തെ ഗ്രാമപ്രദേശങ്ങളില്‍ 7.3 ശതമാനവും നഗരപ്രദേശങ്ങളില്‍ മൂന്ന് ശതമാനവുമാണ് ശൈശവവിവാഹങ്ങള്‍.
21 വയസിന് മുമ്പ് പകുതിയിലധികം സ്ത്രീകളും വിവാഹിതരായ രാജ്യത്തെ രണ്ട് സംസ്ഥാനങ്ങളാണ് ജാര്‍ഖണ്ഡും പശ്ചിമ ബംഗാളും. പശ്ചിമ ബംഗാളില്‍ 54.9 ശതമാനം പെണ്‍കുട്ടികളും 21 വയസിന് മുമ്പ് വിവാഹിതരാകുമ്പോള്‍, ഝാര്‍ഖണ്ഡില്‍ 54.6 ശതമാനമുണ്ട്. ദേശീയ ശരാശരി 29.5 ശതമാനമാണ്. അതേസമയം നാഷണല്‍ ക്രൈം റെക്കോര്‍ഡ്സ് ബ്യൂറോയുടെ കണക്കുകള്‍ പ്രകാരം 2015ല്‍ 32 പേരും 2016ല്‍ 27, 2017ല്‍ 19, 2018ല്‍ 18, 2019ലും 2020ലും 15 പേര്‍ വീതവും മന്ത്രവാദത്തിന്റെ പേരില്‍ ജാര്‍ഖണ്ഡില്‍ കൊല്ലപ്പെട്ടു.
English Summary: Jharkhand has the highest number of child marriages in the country
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.