August 9, 2022 Tuesday

Related news

June 18, 2021
February 16, 2021
September 14, 2020
July 16, 2020
May 25, 2020
February 29, 2020
January 26, 2020
January 16, 2020
January 14, 2020
January 13, 2020

രാഷ്ട്രപതി ഭവനിലേക്ക്‌ മാർച്ച്‌ നടത്തിയ ജെഎൻയു വിദ്യാർത്ഥികൾക്ക്‌ പൊലീസ്‌ വാഹനത്തിനുള്ളിൽ ക്രൂര മർദ്ദനം

Janayugom Webdesk
January 9, 2020 6:42 pm

രാഷ്ട്രപതി ഭവനിലേക്ക് ജവഹര്‍ലാല്‍ നെഹ്രു സര്‍വകലാശാല (ജെഎന്‍യു) വിദ്യാര്‍ഥികൾ  നടത്തിയ മാർച്ചിൽ സംഘർഷം . പോലീസ് മാര്‍ച്ച് തടഞ്ഞതോടെ വിദ്യാര്‍ഥികളും പോലീസും തമ്മില്‍ ഉന്തും തള്ളുമുണ്ടായി. വിദ്യാര്‍ഥികള്‍ക്കുനേരെ പോലീസ് ലാത്തിവീശി. വിദ്യാര്‍ഥികളില്‍ പലര്‍ക്കും പരിക്കേറ്റിട്ടുണ്ട്. ഏതാനും വിദ്യാര്‍ഥികളെ പോലീസ് അറസ്റ്റുചെയ്ത് നീക്കി. അറസ്റ്റ് ചെയ്തു നീക്കിയ വിദ്യാർത്ഥികൾക്ക് പൊലീസ് വാഹനത്തിൽ ക്രൂര മർദ്ദനം.

ഫീസ് വര്‍ധന പിന്‍വലിക്കണമെന്ന് ആവശ്യപ്പെട്ട് സമരം ചെയ്യുന്ന വിദ്യാര്‍ഥികളുമായി കേന്ദ്ര മാനവ വിഭവശേഷി മന്ത്രാലയം സെക്രട്ടറി നടത്തിയ ചര്‍ച്ച പരാജയപ്പെട്ടതിന് പിന്നാലെയാണ് വിദ്യാര്‍ഥികള്‍ രാഷ്ട്രപതി ഭവനിലേക്ക് മാര്ച്ച് നടത്തിയത്.
ഫീസ് വര്‍ധന പിന്‍വലിക്കണം, വൈസ് ചാന്‍സലര്‍ രാജിവെക്കണം എന്നിവയായിരുന്നു വിദ്യാര്‍ത്ഥികളുടെ ആവശ്യം. ജെഎന്‍യു വിദ്യാര്‍ഥി യൂണിയന്‍ പ്രസിഡന്റ് ഐഷി ഘോഷ് അടക്കമുള്ളവരുമായാണ് മാനവ വിഭവശേഷി മന്ത്രാലയ സെക്രട്ടറി ചര്‍ച്ച നടത്തിയത്.

എന്നാല്‍ വിദ്യാര്‍ത്ഥികളുടെ ആവശ്യം അംഗീകരിക്കാന്‍ അധികൃതര്‍ തയ്യാറായില്ല. ഇതോടെ ചര്‍ച്ച പരാജയപ്പെട്ടുവെന്ന് ഐഷി ഘോഷ് വിദ്യാര്‍ഥികളെ അറിയിക്കുകയും, രാഷ്ട്രപതി ഭവനിലേക്ക് മാര്‍ച്ച് നടത്താന്‍ ആഹ്വാനം ചെയ്യുകയുമായിരുന്നു.

Eng­lish sum­ma­ry: jnu Stu­dents marche to Rash­tra­p­ati Bha­van, stu­dents bru­tal­ly attacked inside police vehicle

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.