ന്യൂഡൽഹി: ജെഎൻയൂ ക്യാമ്പസ്സിൽ ഞായാറഴ്ച നടന്ന അക്രമണത്തിന് പിന്നിലുള്ളവരെക്കുറിച്ച് ഡൽഹി പൊലീസിന് വ്യക്തമായ സൂചന ലഭിച്ചുവെന്നും ഉടൻ പിടികൂടുമെന്നും ഡൽഹി പൊലീസ് വൃത്തങ്ങൾ അറിയിച്ചു. അക്രമികൾക്കെതിരെ പൊലീസ് നടപടിയെടുത്തില്ലെന്ന് രൂക്ഷ വിമർശനമുയർന്നിരുന്നു. വിദ്യാർത്ഥികളെയും അധ്യാപകരെയും അക്രമി സംഘം ആക്രമിക്കുമ്പോൾ പൊലീസ് കാഴ്ചക്കാരായി നിൽകുകയായിരുന്നുവെന്നും ആരോപണമുയർന്നിരുന്നു. മുഖം മൂടി ധരിച്ച് എത്തിയ അക്രമകാരികളെക്കുറിച്ച് വ്യക്തമായ സൂചന ലഭിച്ചുവെന്നും അവരെ ഉടൻ പിടികൂടാനാകുമെന്നാണ് പ്രതീക്ഷയെന്ന് സർക്കാർ വൃത്തങ്ങളെ ഉദ്ധരിച്ച് ടൈംസ് ഓഫ്‌ ഇന്ത്യ റിപ്പോർട്ട് ചെയ്തു.
ഞായാറഴ്ച ജെഎൻയു വിൽ മുഖം മൂടി ധരിച്ചെത്തിയ ഒരു കൂട്ടം സംഘം വിദ്യാർത്ഥി യൂണിയൻ പ്രസിഡന്റ് ഐഷെ ഘോഷ് ഉൾപ്പടെ അധ്യാപകരടക്കം നിരവധി പേർക്ക് പരിക്കേറ്റിരുന്നു.എബിവിപി യാണ് അക്രമണത്തിന് പിന്നിലെന്ന് ആരോപിച്ച് എസ്എഫ്ഐ രംഗത്തെത്തി. ആക്രമണങ്ങളുടെ ഉത്തരവാദിത്തമേറ്റെടുത്ത് ഹിന്ദു രക്ഷാ ദള്‍ എന്ന സംഘ്പരിവാര്‍ സംഘടനയും രംഗത്തുവന്നു.
English summary: JNU violence police get clear evidence about masked attackers
‘you may also like this video’
