ജോ ബൈഡന് വീണ്ടും കോവിഡ് സ്ഥിരീകരിച്ചു

അമേരിക്കൻ പ്ര​സി​ഡന്റ് ജോ ​ബൈ​ഡ​ന് വീ​ണ്ടും കോ​വി​ഡ് സ്ഥിരീകരിച്ചു. വൈ​റ്റ്ഹൗ​സ് ഡോ​ക്ട​റാ​ണ് ബൈഡന് കോവിഡ് സ്ഥിരികരിച്ചതായി അറിയിച്ചത്.

ബൈഡന്റെ ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്നും അ​ദ്ദേ​ഹം ചി​കി​ത്സ​യി​ലാ​ണെ​ന്നും വൈറ്റ്ഹൗസ് വ്യക്തമാക്കി. ഇ​ത് ര​ണ്ടാം തവണയാണ് ജോ ​ബൈ​ഡ​ന് കോ​വി​ഡ് സ്ഥി​രീ​ക​രി​ക്കു​ന്ന​ത്. ജൂലൈ 21നാണ് ബൈഡന് കോവിഡ് സ്ഥിരീകരിച്ചത്. ആദ്യ കോവിഡ് നെഗറ്റീവ് ഫലം വന്ന് നാല് ദിവസത്തിന് ശേഷം നടത്തിയ പരിശോധനയിലാണ് വീണ്ടും കോവിഡ് പോസിറ്റീവായത്.

ജൂലൈ 21ന് കോവിഡ് സ്ഥിരീകരിച്ചതിന് പിന്നാലെ ​ബൈ​ഡ​ന്‍ ഐസൊലേഷനിൽ പ്രവേശിപ്പിച്ചു. ഇതിന് ശേഷം കോവിഡ് നെഗറ്റീവായി ഐസൊലേഷനിൽ നിന്ന് പുറത്തിറങ്ങിയെങ്കിലും വീണ്ടും കോവിഡ് ലക്ഷണങ്ങൾ പ്രകടമായി. ഇതോടെ നടത്തിയ ടെസ്റ്റിലാണ് കോവിഡ് പോസിറ്റീവായത്.

നിലവിൽ തനിക്ക് കഠിനമായ രോഗലക്ഷണങ്ങളൊന്നും ഇല്ലെങ്കിലും വൈറ്റ് ഹൗസുമായി ബന്ധപ്പെടുന്ന എല്ലാവരുടേയും സുരക്ഷയെക്കരുതി വീണ്ടും ഐസൊലേഷനിൽ പ്രവേശിക്കുകയാണെന്നാണ് ബൈഡൻ വ്യക്തമാക്കിയത്.

Eng­lish summary;Joe Biden has been con­firmed with Covid again

You may also like this video;