താമരശ്ശേരി: കൂടത്തായി കൊലപാതക പരമ്പരയിലെ മുഖ്യപ്രതി ജോളിയുടെ ജാമ്യാപേക്ഷ കോടതി തളളി. അന്നമ്മ വധക്കേസിലാണ് ജോളിയുടെ ജാമ്യാപേക്ഷ താമരശ്ശേരി മുൻസിഫ് മജിസ്ട്രേറ്റ് കോടതി തളളിയത്. അതേ സമയം കൊലപാതക പരമ്പരയിലെ മൂന്നു കേസുകളിൽ കൂടി ജോളിക്കായി താമരശ്ശേരി മുൻസിഫ് മജിസ്ട്രേറ്റ് കോടതിയിൽ ജാമ്യാപേക്ഷ നൽകി. ടോം തോമസ്, മാത്യു മഞ്ചാടിയിൽ, ആൽഫൈൻ വധക്കേസുകളിലാണ് ജോളിയുടെ അഭിഭാഷകൻ ഹൈദർ ജാമ്യ ഹർജി ഫയൽ ചെയ്തത്.
മൂന്ന് ജാമ്യാപേക്ഷകൾക്കെതിരെയും അസിസ്റ്റന്റ് പബ്ലിക്ക് പ്രൊസിക്യുട്ടർ സുജയ സുധാകരൻ തിങ്കളാഴ്ച തടസ്സഹർജി സമർപ്പിക്കും. ജോളിയുടെ ഒസ്യത്ത് തയ്യാറാക്കാൻ സഹായിച്ചതിന് പിടിയിലായ സി പി എം കട്ടാങ്ങൽ മുൻ ലോക്കൽ സെക്രട്ടറി തട്ടൂർ പൊയിൽ കെ മനോജിനെ റിമാൻഡ് കാലാവധി അവസാനിച്ച സാഹചര്യത്തിൽ താമരശ്ശേരി മുൻസിഫ് മജിസ്ട്രേറ്റ് കോടതിയിൽ ഹാജരാക്കി തുടർ റിമാൻഡിൽ വിട്ടു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.